ശുദ്ധീകരിക്കാത്ത, പോളിഷ് ചെയ്യാത്ത മുഴുവൻ ധാന്യമാണ് ബ്രൗൺ റൈസ്. നെല്ലിന്റെ മുകളിലെ തൊണ്ട് നീക്കം ചെയ്താണ് ഇത് ഉത്പാദിപ്പിക്കുന്നത്. ബ്രൗൺ റൈസ് പോഷകസമൃദ്ധമായ തവിടും അരിയുടെ ആന്തരിക പാളിയും നിലനിർത്തുന്നു. ഈ അരിയ്ക്ക് വെള്ള അരിയേക്കാൾ പോഷകമൂല്യമുണ്ടെന്ന് വൈദ്യശാസ്ത്ര വിദഗ്ധർ പറയുന്നു.
അരിയുടെ കാര്യം പറയുമ്പോൾ, ചോറിനേക്കാൾ നല്ലത് മട്ട അരിയാണ്. എന്നിരുന്നാലും, ഇവ രണ്ടും തമ്മിലുള്ള വ്യത്യാസം അവയുടെ തയ്യാറെടുപ്പിൽ മാത്രമാണ്. വെളുത്ത അരിയെ കുറിച്ച് പറയുമ്പോൾ, അത് പ്രോസസ്സ് ചെയ്ത് അതിന്റെ വെളുത്ത നിറം വർദ്ധിപ്പിക്കുന്നു. ഈ പ്രക്രിയയിലൂടെ കടന്നുപോകുമ്പോള് അരിയിലെ തൊണ്ടും പോഷകങ്ങളും നീക്കം ചെയ്യുന്നു. കാരണം നെല്ലിന്റെ തൊലി പോഷകങ്ങളാൽ സമ്പുഷ്ടമാണ്. മറുവശത്ത്, തവിട്ട് അരിയുടെ തൊലി നീക്കം ചെയ്യപ്പെടാത്തതിനാൽ അതിന്റെ പോഷകങ്ങൾ കേടുകൂടാതെയിരിക്കും. ബ്രൗൺ റൈസ് കഴിക്കുന്നതിന്റെ 5 ഗുണങ്ങളെ കുറിച്ച് ഇന്ന് നമുക്ക് പരിശോധിക്കാം.
ബ്രൗൺ റൈസ് കഴിക്കുന്നതിന്റെ 5 ആരോഗ്യ ഗുണങ്ങൾ
1. പോഷകസമൃദ്ധമായ മട്ട അരി
വെളുത്ത അരിയെക്കാൾ പോഷകഗുണമുള്ളതാണ് ബ്രൗൺ റൈസ്. കാരണം ബ്രൗൺ റൈസിന്റെ തൊലി പാളി പൂർണമായും നീക്കം ചെയ്തിട്ടില്ല. ഇതുകൂടാതെ വെളുത്ത അരിയുമായി താരതമ്യപ്പെടുത്തുമ്പോൾ മട്ട അരിയിൽ മാംഗനീസ് ധാരാളം അടങ്ങിയിട്ടുണ്ട്. ഇത് നമ്മുടെ എല്ലുകളെ ശക്തിപ്പെടുത്താൻ സഹായിക്കുന്നു. കൂടാതെ ആൻറി ഓക്സിഡന്റുകളാൽ സമ്പുഷ്ടമാണ് മട്ട അരി. ഇത് നമ്മുടെ പ്രതിരോധശേഷി വർദ്ധിപ്പിക്കുകയും ശരീരത്തെ പല രോഗങ്ങളിൽ നിന്നും സംരക്ഷിക്കുകയും ചെയ്യുന്നു.
ALSO READ: കൊളസ്ട്രോൾ മുതൽ ഹൃദയാരോഗ്യം വരെ..! ഉലുവ ഇലയുടെ ഔഷധ ഗുണങ്ങൾ
2. ബ്രൗൺ റൈസ് ശരീരഭാരം കുറയ്ക്കാൻ സഹായിക്കുന്നു
തവിട്ട് അരിയിൽ നാരുകൾ അടങ്ങിയിട്ടുണ്ട്, ഇത് നമ്മുടെ ഭാരം കുറയ്ക്കാൻ വളരെയധികം സഹായിക്കുന്നു. നാരുകൾ നമ്മുടെ വയർ കൂടുതൽ നേരം നിറഞ്ഞതായി അനുഭവപ്പെടുന്നു, ഇതുമൂലം നാം കുറച്ച് ഭക്ഷണം കഴിക്കുന്നു. നമ്മുടെ വർധിച്ച ഭാരം ക്രമേണ നിയന്ത്രണ വിധേയമാകുന്നു.
3. ആരോഗ്യമുള്ള ഹൃദയം
നാരുകളാലും വിവിധ പോഷകങ്ങളാലും സമ്പന്നമായ മട്ട അരി നമ്മുടെ ഹൃദയ സംബന്ധമായ പ്രശ്നങ്ങൾക്ക് പരിഹാരം കാണുന്നതിന് വളരെയധികം സഹായിക്കുന്നു. ഇതിലെ ലിഗ്നാൻ സംയുക്തം നമ്മുടെ ഹൃദയത്തെ ആരോഗ്യകരമായി നിലനിർത്താൻ സഹായിക്കുന്നു.
4. പ്രമേഹം - രക്തത്തിലെ പഞ്ചസാരയെ നിയന്ത്രിക്കുന്നു
വെളുത്ത അരിയെ അപേക്ഷിച്ച് ബ്രൗൺ റൈസിന് ഗ്ലൈസെമിക് സൂചിക വളരെ കുറവാണ്. അതായത് ഇത് നമ്മുടെ രക്തത്തിലെ പഞ്ചസാരയുടെ അളവ് ഉയർത്തുന്നില്ല. കുറഞ്ഞ ഗ്ലൈസെമിക് ഇൻഡക്സ് ഉള്ള ഭക്ഷണങ്ങൾ നമ്മുടെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ വളരെയധികം സഹായിക്കുന്നു.
5. ശക്തമായ അസ്ഥികൾ
കാൽസ്യം, മഗ്നീഷ്യം തുടങ്ങിയ പോഷകങ്ങളാൽ സമ്പന്നമായ ബ്രൗൺ റൈസ് നമ്മുടെ എല്ലുകളുടെ ആരോഗ്യം നിലനിർത്താൻ സഹായിക്കുന്നു. ഇതുകൂടാതെ മട്ട അരി വെള്ള അരിയെക്കാൾ രുചികരമാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
