ദഹനം, പോഷകാഗിരണം , രോഗപ്രതിരോധം എന്നിവയിലെല്ലാം കുടൽ ഒരു പ്രധാന പങ്ക് വഹിക്കുന്നു. കുടലിന്റെ ആരോഗ്യം മെച്ചപ്പെടുത്തുന്നത് മൊത്തത്തിലുള്ള ആരോഗ്യത്തിന് വളരെ പ്രധാനമാണ്. ഇതിന് സമീകൃതാഹാരവും ആരോഗ്യകരമായ ജീവിതശൈലിയും അത്യന്താപേക്ഷിതമാണെങ്കിലും, ചില വിറ്റാമിനുകൾക്ക് പ്രത്യേകമായി കുടലിന്റെ ആരോഗ്യത്തെ മെച്ചപ്പെടുത്താൻ സഹായിക്കുന്നു. നിങ്ങളുടെ കുടലിന്റെ ആരോഗ്യം മെച്ചപ്പെടുത്താൻ ഏതൊക്കെ വൈറ്റമിനുകൾ ആവശ്യമാണെന്നും അതെങ്ങനെ ലഭിക്കുമെന്നും നോക്കാം.
1. വിറ്റാമിൻ എ
നിങ്ങളുടെ കാഴ്ചയിലും രോഗപ്രതിരോധ പ്രവർത്തനത്തിലും വിറ്റാമിൻ എ പ്രധാന പങ്ക് വഹിക്കുന്നു. മത്സ്യ എണ്ണ, മുട്ട, കാരറ്റ്, മധുരക്കിഴങ്ങ്, ചീര തുടങ്ങിയവ കഴിക്കുന്നതിലൂടെ ശരീരത്തിലെ വിറ്റാമിൻ എയുടെ അളവ് വർധിപ്പിക്കാം. ഇതിനൊപ്പം പഴങ്ങളും പച്ചക്കറികളും കൂടി ശരീരത്തിൽ ഉൾപ്പെടുത്തണം. മാമ്പഴവും വിറ്റാമിൻ എയുടെ ഉറവിടങ്ങളിൽ ഒന്നാണ്.
2. വിറ്റാമിൻ ഡി
"സൺഷൈൻ വിറ്റാമിൻ" എന്ന് വിളിക്കപ്പെടുന്ന വിറ്റാമിൻ ഡി അസ്ഥികളുടെ ആരോഗ്യത്തിന് മാത്രമല്ല, കുടലിന്റെ ആരോഗ്യത്തിനും പ്രധാനമാണ്. ഇത് രോഗപ്രതിരോധ സംവിധാനത്തെ ക്രമീകരിക്കാനും കുടലിലെ വീക്കം കുറയ്ക്കാനും സഹായിക്കുന്നു. വിറ്റാമിൻ ഡിയുടെ പ്രാഥമിക ഉറവിടം സൂര്യപ്രകാശമാണ്, സാൽമൺ, അയല തുടങ്ങിയ കൊഴുപ്പുള്ള മത്സ്യങ്ങൾ, പാലുൽപ്പന്നങ്ങൾ, മുട്ടയുടെ മഞ്ഞക്കരു എന്നിവയിലും ഇതുണ്ടാവും.
വൈറ്റമിൻ ഡിയുടെ മറ്റൊരു വൈവിധ്യമാർന്ന ഉറവിടമാണ് കൂൺ.
3. വിറ്റാമിൻ ബി
ശരീരത്തിലെ ഊർജ്ജ ഉത്പാദനം, നാഡികളുടെ പ്രവർത്തനം, ചുവന്ന രക്താണുക്കളുടെ സമന്വയം എന്നിവയിൽ പ്രധാനപ്പെട്ടതാണ് വിറ്റാമിൻ ബി. ധാന്യങ്ങൾ, പയർവർഗ്ഗങ്ങൾ, ഇലക്കറികൾ, മാംസം, മത്സ്യം, മുട്ട എന്നിവയാണ് വിറ്റാമിനുകളുടെ നല്ല ഉറവിടം.
4. വിറ്റാമിൻ സി
പ്രതിരോധശേഷി വർദ്ധിപ്പിക്കുന്ന ഗുണങ്ങൾക്ക് പേരുകേട്ടതാണ് വിറ്റാമിൻ സി. ഇത് കുടലിന്റെ ആരോഗ്യത്തിലും ഒരു പങ്കു വഹിക്കുന്നു. വിറ്റാമിൻ സി ഒരു ശക്തമായ ആന്റിഓക്‌സിഡന്റാണ്. സിട്രസ് പഴങ്ങൾ, കിവി, ഇലക്കറികൾ എന്നിവ വിറ്റാമിൻ സിയുടെ മികച്ച ഉറവിടങ്ങളാണ്. കുരുമുളകും വിറ്റാമിൻ സിയുടെ അത്ഭുതകരമായ ഉറവിടമാണ്.
ഈ ഭക്ഷണങ്ങൾ വിറ്റാമിനുകളാൽ സമ്പുഷ്ടമാണ്, മാത്രമല്ല ആരോഗ്യകരമായ കുടലിനെ പിന്തുണയ്ക്കുന്ന അവശ്യ പോഷകങ്ങളും ആന്റിഓക്‌സിഡന്റുകളും ഇവ നൽകുന്നു. ഈ വിറ്റാമിനുകൾ കുടലിന്റെ ആരോഗ്യത്തിന് ഗുണം ചെയ്യുമെങ്കിലും ഭക്ഷണക്രമം ശ്രദ്ധിക്കേണ്ടതാണ്. ആരോഗ്യപ്രശ്നങ്ങൾ ഉണ്ടെങ്കിൽ, ഒരു ഡോക്ടറിൻറെയോ ഡയറ്റീഷ്യൻറെയോ സേവനം പ്രയോജനപ്പെടുത്താം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
