Garlic health benefits: വെളുത്തുള്ളി കഴിച്ചാൽ നിരവധിയാണ് ​ഗുണങ്ങൾ; എപ്പോൾ കഴിക്കണമെന്നറിയാം

Health Benefits Of Garlic: വിറ്റാമിന്‍ സി, കെ, പൊട്ടാസ്യം ഫോളേറ്റ്, സെലിനിയം, ഇരുമ്പ്, കാത്സ്യം, ഫോസ്ഫറസ്, കോപ്പര്‍ തുടങ്ങി നിരവധി ആന്‍റി ഓക്‌സിഡന്‍റുകളും നാരുകളും വെളുത്തുള്ളിയില്‍ അടങ്ങിയിട്ടുണ്ട്.

പതിവായി പാചകത്തിന് ഉപയോ​ഗിക്കുന്ന വസ്തുക്കളിൽ ഒന്നാണ് വെളുത്തുള്ളി. വെളുത്തുള്ളിയില്‍ വിറ്റാമിന്‍ സി, കെ, പൊട്ടാസ്യം ഫോളേറ്റ്, സെലിനിയം, ഇരുമ്പ്, കാത്സ്യം, ഫോസ്ഫറസ്, കോപ്പര്‍ തുടങ്ങി നിരവധി ആന്‍റി ഓക്‌സിഡന്‍റുകളും നാരുകളും അടങ്ങിയിട്ടുണ്ട്. വെളുത്തുള്ളി കഴിക്കുന്നത് ദഹനസംബന്ധമായ പ്രശ്നങ്ങള്‍ ഒഴിവാക്കാന്‍ സഹായിക്കും.

എന്നാൽ, വെളുത്തുള്ളി എപ്പോൾ കഴിക്കുന്നതാണ് കൂടുതൽ ​ഗുണം ചെയ്യുന്നതെന്ന് അറിയാമോ? ഉച്ചഭക്ഷണത്തിന് മുമ്പ് മൂന്ന് അല്ലി വെളുത്തുള്ളി കഴിക്കുന്നത് ​ഗുണം ചെയ്യുമെന്നാണ് ആരോ​ഗ്യവിദ​ഗ്ധർ വ്യക്തമാക്കുന്നത്. ഇത് ദഹനസംബന്ധമായ പ്രശ്നങ്ങൾ പരിഹരിക്കാനും അണുബാധകളെ ചെറുക്കാനും സഹായിക്കും.

വയറിലെ കൊഴുപ്പ് കുറയ്ക്കാനും ശരീരഭാരം കുറയ്ക്കാനും ഇത് മികച്ചതാണ്. ഇത് വിശപ്പ് കുറയ്ക്കാനും അമിതമായി ഭക്ഷണം കഴിക്കുന്നത് തടയാനും സഹായിക്കും. ഇതുവഴി ശരീരഭാരം കുറയ്ക്കാൻ സഹായിക്കും. രോ​ഗപ്രതിരോധശേഷി വർധിപ്പിക്കാനും മൊത്തത്തിലുള്ള ആരോ​ഗ്യം മികച്ചതാക്കാനും ഇത് ഭക്ഷണത്തിൽ ഉൾപ്പെടുത്തുന്നത് ​ഗുണം ചെയ്യും.

വെളുത്തുള്ളി കഴിക്കുന്നത് രക്തസമ്മർദ്ദവും കൊളസ്ട്രോളും കുറച്ച് ഹൃദയത്തിന്റെ ആരോ​ഗ്യം മികച്ചതാക്കുകയും ഹൃദ്രോ​ഗങ്ങളെ തടയുകയും ചെയ്യും. ശ്വാസകോശ സംബന്ധമായ അസ്വസ്ഥതകൾക്കും വെളുത്തുള്ളി മികച്ചതാണ്. വെളുത്തുള്ളിയിൽ അടങ്ങിയിരിക്കുന്ന ആന്റി ബാക്ടീരിയൽ ഘടകങ്ങൾ അണുബാധകളെ ചെറുക്കാൻ സഹായിക്കും.

വെളുത്തുള്ളി കഴിക്കുന്നത് കരളിന്റെ ആരോ​ഗ്യത്തിനും ​ഗുണം ചെയ്യും. ഇതിന്റെ ആന്റി ഇൻഫ്ലമേറ്ററി ​ഗുണങ്ങൾ പേശീ വേദന കുറയ്ക്കാനും സന്ധിവാത ലക്ഷണങ്ങളെ ലഘൂകരിക്കാനും സഹായിക്കും. എല്ലുകളുടെ ആരോ​ഗ്യത്തിനും ഇവ മികച്ചതാണ്. ആന്റി ഓക്സിഡന്റുകളാൽ സമ്പുഷ്ടമായതിനാൽ ഇവ ചർമ്മത്തിന്റെ ആരോ​ഗ്യത്തിനും മികച്ചതാണ്.

Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്.  ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.