ഉയർന്ന കൊളസ്ട്രോൾ എങ്ങനെ കുറയ്ക്കാം? ചീത്ത കൊളസ്ട്രോൾ കുറയ്ക്കാൻ എന്താണ് മാർഗം? ഇവയെല്ലാം സാധാരണ, ദൈനംദിന ചോദ്യങ്ങളാണ്. ഇതിനെക്കുറിച്ചെല്ലാം നിരവധി ചർച്ചകളും നടക്കാറുണ്ട്. പ്രധാനമായും ആളുകൾ ചീത്ത കൊളസ്ട്രോൾ കുറയ്ക്കുന്നതിലും അത് ഹൃദയാരോഗ്യത്തിന് എങ്ങനെ ദോഷകരമാണ് എന്നതിലും ശ്രദ്ധ കേന്ദ്രീകരിക്കുമ്പോൾ, നല്ല കൊളസ്ട്രോൾ ഉയർത്തുന്നതിൽ ശ്രദ്ധ കേന്ദ്രീകരിക്കുന്നില്ല.
കൊളസ്ട്രോൾ അടിസ്ഥാനപരമായി കൊറോണറി ധമനികളിൽ അടിഞ്ഞുകൂടുന്ന മെഴുക് പോലുള്ള പദാർഥമാണ്. ഇത് ഹൃദയപേശികളിലേക്കുള്ള ഓക്സിജൻ സമ്പുഷ്ടമായ രക്തത്തിന്റെ ഒഴുക്കിനെ തടസ്സപ്പെടുത്തിയേക്കാം. കൊളസ്ട്രോൾ നമ്മുടെ കോശങ്ങളിൽ കാണപ്പെടുന്ന ഒരു മെഴുക് പദാർത്ഥമാണ്. രണ്ട് തരം കൊളസ്ട്രോൾ ഉണ്ട്- നല്ല കൊളസ്ട്രോൾ അഥവാ എച്ച്ഡിഎൽ, ചീത്ത കൊളസ്ട്രോൾ അഥവാ എൽഡിഎൽ കൊളസ്ട്രോൾ.
ഉയർന്ന സാന്ദ്രതയുള്ള ലിപ്പോപ്രോട്ടീൻ അല്ലെങ്കിൽ എച്ച്ഡിഎൽ നിങ്ങളുടെ ധമനികളിൽ നിന്ന് അധിക കൊളസ്ട്രോൾ കൊണ്ടുപോകാൻ ആവശ്യമായ നല്ല കൊളസ്ട്രോളായി കണക്കാക്കപ്പെടുന്നു. ലോ-ഡെൻസിറ്റി ലിപ്പോപ്രോട്ടീൻ അല്ലെങ്കിൽ ചീത്ത കൊളസ്ട്രോൾ ധമനികളിൽ മെഴുക് പോലെയുള്ള പദാർത്ഥത്തിന്റെ അനാരോഗ്യകരമായ രൂപീകരണമാണ്, ഇത് ഓക്സിജനും രക്തപ്രവാഹവും തടയുന്നു, ഇത് ഹൃദയാഘാതം പോലുള്ള ഗുരുതരമായ ആരോഗ്യാവസ്ഥകളിലേക്ക് നയിക്കുന്നു. ചീത്ത കൊളസ്ട്രോൾ കുറയ്ക്കുന്നതിനൊപ്പം നല്ല കൊളസ്ട്രോൾ മെച്ചപ്പെടുത്തുന്നതും പ്രധാനമാണ്.
ആരോഗ്യകരമായ ഭക്ഷണക്രമം: കൊളസ്ട്രോൾ വർധിപ്പിക്കുന്നതിൽ ഭക്ഷണക്രമം പ്രധാന പങ്ക് വഹിക്കുന്നു. അപൂരിത കൊഴുപ്പുകൾ, ഒമേഗ -3 ഫാറ്റി ആസിഡുകൾ, ഡയറ്ററി ഫൈബർ തുടങ്ങിയവയുടെ അളവ് വർധിപ്പിക്കേണ്ടത് പ്രധാനമാണ്.
ALSO READ: Aerobic Exercises: എയ്‌റോബിക് പരിശീലനം നിങ്ങളുടെ ശരീരത്തിനും തലച്ചോറിനും എങ്ങനെ ഗുണം ചെയ്യുന്നു?
ശാരീരിക പ്രവർത്തനങ്ങൾ വർധിപ്പിക്കുക: ഉദാസീനമായ ജീവിതശൈലിയാണ് ചീത്ത കൊളസ്‌ട്രോളിനുള്ള പ്രധാന കാരണം. എച്ച്ഡിഎൽ അഥവാ നല്ല കൊളസ്‌ട്രോളിന്റെ അളവ് വർധിപ്പിക്കുന്നതിന് ശാരീരിക വ്യായാമം നിർണായകമാണ്. കലോറി കത്തിക്കുന്നത് ചീത്ത കൊളസ്ട്രോൾ കുറയ്ക്കാൻ സഹായിക്കുന്നു. ദിവസവും 30 മിനിറ്റ് വ്യായാമം ചെയ്യുന്നത് എച്ച്ഡിഎൽ കൊളസ്ട്രോൾ വർധിപ്പിച്ച് എൽഡിഎൽ കൊളസ്ട്രോൾ കുറയ്ക്കാൻ സഹായിക്കും.
ശരീരഭാരം നിയന്ത്രിക്കുക: ശരീരത്തിലെ നല്ല കൊളസ്ട്രോൾ വർധിപ്പിക്കാൻ ഭാരം നിയന്ത്രിക്കേണ്ടത് അത്യാവശ്യമാണ്. പൊണ്ണത്തടി ഉയർന്ന കൊളസ്ട്രോളിലേക്ക് നയിക്കുന്നു, ഇത് ഹൃദയാഘാത സാധ്യത വർധിപ്പിക്കുന്നു. അതിനാൽ, വയറിന് ചുറ്റും ചീത്ത കൊളസ്ട്രോൾ കുറയ്ക്കേണ്ടത് പ്രധാനമാണ്.
പുകവലി ഉപേക്ഷിക്കുക: പുകവലി വിവിധ ആരോഗ്യപ്രശ്നങ്ങൾക്കുള്ള സാധ്യത വർധിപ്പിക്കുന്നു. അതിനാൽ, പുകവലി ശീലം നിർത്തേണ്ടത് പ്രധാനമാണ്.
മദ്യം കഴിക്കുന്നത് പരിമിതപ്പെടുത്തുക: മദ്യം കഴിക്കുന്നത് ട്രൈഗ്ലിസറൈഡുകളിലേക്കും കൊളസ്ട്രോളിലേക്കും നയിക്കുന്നു. അതിനാൽ, ആൽക്കഹോൾ ഉപഭോഗം കുറയ്ക്കുന്നത് ചീത്ത കൊളസ്ട്രോൾ കുറയ്ക്കാൻ സഹായിക്കും.
ഉയർന്ന പ്രോട്ടീൻ, നാരുകൾ അടങ്ങിയ ഭക്ഷണക്രമം, ആരോഗ്യകരമായ ജീവിതശൈലി എന്നിവ ഉൾപ്പെടുത്തുന്നത് സ്വാഭാവികമായും നല്ല കൊളസ്ട്രോൾ അളവ് വർധിപ്പിക്കാൻ സഹായിക്കും. ഇത് ഹൃദയത്തിന്റെ ആരോഗ്യം മികച്ചതായി നിലനിർത്താൻ സഹായിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
