Spinach Benefits: ഹൃദയം മുതൽ മസ്തിഷ്കാരോ​ഗ്യം വരെ..! ചീരയുടെ അതിശയിപ്പിക്കും ​ഗുണങ്ങൾ

Medicinal value of spinach: നല്ല കാഴ്ചശക്തി നിലനിർത്താൻ ചീര വളരെ ഗുണം ചെയ്യും. ഇതിലടങ്ങിയിരിക്കുന്ന സീയാക്സാന്തിൻ, ല്യൂട്ടിൻ എന്നിവയുടെ ഗുണങ്ങൾ ആരോഗ്യകരമായ കാഴ്ചശക്തി നൽകുന്നു.

എല്ലായിടത്തും സുലഭമായ പച്ചിലക്കറിയാണ് ചീര. ചീര കഴിക്കുന്നതു കൊണ്ട് ധാരാളം ആരോ​ഗ്യ ​ഗുണങ്ങൾ ഉണ്ട്. ഇത് നമ്മുടെ ഹൃദയത്തിനും മസ്തിഷ്ക്കത്തിനും എല്ലാം നിരവധി ​ഗുണങ്ങൾ നൽകുന്നു. എന്നാൽ ഇനി ഈ ചീര എങ്ങനെ കഴിക്കാമെന്ന് നോക്കാം. ചീര പാകം ചെയ്ത് പുഴുങ്ങി നീരെടുക്കാം.

ഇത് നിത്യഭക്ഷണത്തിന്റെ ഭാഗമാക്കിയാൽ ആരോഗ്യപ്രശ്നങ്ങൾ ഒഴിവാക്കാമെന്ന് ആരോ​ഗ്യവിദ​ഗ്ധർ പറയുന്നു. ചീരയിൽ ആന്റിഓക്‌സിഡന്റുകളും വിറ്റാമിനുകളും ധാരാളം അടങ്ങിയിട്ടുണ്ട്, അതിനാൽ ഇത് കണ്ണിന്റെ ആരോഗ്യം, രക്തസമ്മർദ്ദം, തലച്ചോറിന്റെ പ്രവർത്തനം എന്നിവ മെച്ചപ്പെടുത്തുമെന്ന് ഡോക്ടർമാർ പറയുന്നു. 

കണ്ണിന്റെ ആരോഗ്യത്തിന് ചീര: നല്ല കാഴ്ചശക്തി നിലനിർത്താൻ ചീര വളരെ ഗുണം ചെയ്യും. ഇതിലടങ്ങിയിരിക്കുന്ന സീയാക്സാന്തിൻ, ല്യൂട്ടിൻ എന്നിവയുടെ ഗുണങ്ങൾ ആരോഗ്യകരമായ കാഴ്ചശക്തി നൽകുന്നു. ചീര കഴിക്കുന്നത് വിട്ടുമാറാത്ത നേത്രരോഗങ്ങളിൽ നിന്ന് സംരക്ഷിക്കുന്നു. 

അനീമിയ: അനീമിയ പ്രശ്‌നങ്ങളാൽ ബുദ്ധിമുട്ടുന്നവരാണ് പലരും. വിളർച്ച മൂലം ചുവന്ന രക്താണുക്കൾ തകരാറിലാകുന്നു. ഇരുമ്പിന്റെ അളവ് കുറഞ്ഞതാണ് ഇതിന് കാരണം. ചീരയിൽ ഇരുമ്പ് പോഷകങ്ങൾ ധാരാളമുണ്ട്. അതുകൊണ്ട് ചീര മുടങ്ങാതെ കഴിക്കുന്നത് ആരോഗ്യത്തിന് ഏറെ നല്ലതാണെന്ന് ആരോഗ്യ വിദഗ്ധർ പറയുന്നു.

തലച്ചോറിന്റെ പ്രവർത്തനം: ചീര കഴിക്കുന്നത് തലച്ചോറിന്റെ ആരോഗ്യം മെച്ചപ്പെടുത്തുമെന്ന് ആരോഗ്യ വിദഗ്ധർ പറയുന്നു. തലച്ചോറിന് ആവശ്യമായ ല്യൂട്ടിൻ, കരോട്ടിൻ, വിറ്റാമിൻ-എ, ആന്റിഓക്‌സിഡന്റുകൾ എന്നിവ ചീരയിൽ ധാരാളമുണ്ട്. 

രക്തസമ്മർദ്ദം നിയന്ത്രിക്കുന്നതിൽ: ഉയർന്ന രക്തസമ്മർദ്ദ പ്രശ്‌നങ്ങൾ അനുഭവിക്കുന്നവർക്ക് ചീര വളരെ നല്ലതാണെന്ന് ആരോഗ്യ വിദഗ്ധർ പറയുന്നു. രക്തസമ്മർദ്ദം നിയന്ത്രിക്കാൻ സഹായിക്കുന്നു. ചീര പോലുള്ള ഭക്ഷണങ്ങൾ കഴിക്കുന്നത് ഹൃദയാരോഗ്യമാണ്.