ഈയിടെയായി സാമൂഹിക മാധ്യമങ്ങളിൽ ഏറ്റവും കൂടുതൽ ശ്രദ്ധ നേടുന്നത് ഒപ്റ്റിക്കൽ ഇല്ല്യൂഷൻ ചിത്രങ്ങളാണ്. ഇത്തരം ചിത്രങ്ങൾ ആളുകളെ വളരെയധികം ആശയകുഴപ്പത്തിൽ ആക്കാറുണ്ട്. ഇത്തരം ചിത്രങ്ങളിലെ സമസ്യകൾ കണ്ടെത്തുകയെന്നത് ഒരേസമയം രസകരവും എന്നാൽ ആശയകുഴപ്പം സൃഷ്ടിക്കുന്നതുമാണ്. ഇല്ല്യൂഡേർ എന്ന വാക്കിൽ നിന്ന് ഉത്ഭവിച്ച വാക്കാണ് ഇല്ല്യൂഷൻ. പരിഹസിക്കുക അല്ലെങ്കിൽ കബളിപ്പിക്കുക എന്നതാണ് ഇല്ല്യൂഡേർ എന്ന വാക്കിന്റെ അർത്ഥം. മനസിനെ കളിപ്പിക്കുന്ന തരം ചിത്രങ്ങളാണ് ഒപ്റ്റിക്കൽ ഇല്ല്യൂഷൻ ചിത്രങ്ങൾ. ആളുകൾ പലപ്പോഴും തങ്ങളുടെ ടെൻഷനും സ്‌ട്രെസും കുറയ്ക്കാനും വിഷമം മാറാനും ഇത്തരം ചിത്രങ്ങൾ ഉപയോഗിക്കാറുണ്ട്. നിങ്ങൾക്ക് നിങ്ങളെ കുറിച്ച് അറിയാത്ത ചില കാര്യങ്ങൾ പോലും കണ്ടെത്താൻ ഇത്തരം ചിത്രങ്ങളിലൂടെ സാധിക്കാറുണ്ട്. ചിലപ്പോഴൊക്കെ മാനസിക ആരോഗ്യ വിദഗ്ദ്ധന്മാരും ഇതിനായി ഈ ചിത്രങ്ങൾ ഉപയോഗിക്കാറുണ്ട്.
ഫേസ്‌ബുക്കിൽ ഏറ്റവും കൂടുതൽ ശ്രദ്ധ നേടിയിരിക്കുന്ന ഒരു ഒപ്റ്റിക്കൽ ഇല്ല്യൂഷൻ ചിത്രമാണ് ഇത്. ഒരു പാഷിയോയുടെ ചിത്രമാണിത്. ഈ ചിത്രത്തിൽ ചില അലങ്കാര വിളക്കുകളും ചെടികളും കാണാം. എന്നാൽ ചെടികൾക്കിടയിൽ എവിടെയോ ഒരു തവള ഒളിച്ചിരിപ്പുണ്ട്. നിങ്ങൾക്ക് ഈ ചിത്രത്തിൽ ഒളിച്ചിരിക്കുന്ന തവളയെ കണ്ടെത്താൻ സാധിക്കുമോയെന്ന് ശ്രമിച്ച് നോക്കൂ. ആകെ 30 സെക്കന്റുകളാണ് നിങ്ങൾക്ക് ഈ തവളയെ കണ്ടെത്താനുള്ളത്. നിങ്ങൾക്ക് തവളയെ കണ്ടെത്താൻ സാധിച്ചാൽ നിങ്ങൾക്ക് വളരെയധികം ഏകാഗ്രത ഉള്ളവരും അതിബുദ്ധിമാന്മാരും ആണെന്നാണ് അർത്ഥം.
ALSO READ: Optical Illusion : ഈ ചിത്രത്തിലെവിടെയോ ഒരു പട്ടി ഒളിച്ചിരിപ്പുണ്ട്; 15 സെക്കന്റുകളിൽ കണ്ടെത്താമോ?
തവളയെ കാണാം
ദൃശ്യങ്ങളിലൂടെ മിഥ്യാധാരണ കഴിയുന്ന തരം ചിത്രങ്ങളെയാണ് ഒപ്റ്റിക്കൽ ഇല്ല്യൂഷൻ ചിത്രങ്ങൾ അല്ലെങ്കിൽ വിഷ്വൽ ഇല്ല്യൂഷൻ ചിത്രങ്ങളെന്ന് പറയുന്നത്. നിങ്ങളുടെ നിലവിലെ മൂഡ്, നിങ്ങൾ ചിന്തിക്കുന്ന രീതി എന്നിവ കൊണ്ടെല്ലാം നിങ്ങൾ ഒരു ചിത്രത്തെ കാണുന്ന രീതിയും മാറും. കൂടാതെ ചിത്രങ്ങളിലെ നിറങ്ങളുടെ വ്യത്യാസം, പ്രകാശ ലഭിക്കുന്ന രീതി, ചിത്രത്തിലെ വസ്തുക്കളെ ക്രമീകരിച്ചിരിക്കുന്ന രീതി തുടങ്ങിയ നിരവധി ഘടകങ്ങളുടെ അടിസ്ഥാനത്തിൽ ഒരു ചിത്രത്തെ കുറിച്ച് മിഥ്യാധാരണകൾ നമ്മുടെ തലച്ചോറിൽ ഉണ്ടാകും. ഇത്തരം ചിത്രങ്ങൾ ഉള്ള ചില കാര്യങ്ങൾ നിങ്ങൾ കാണാതിരിക്കുകയും, ഇല്ലാത്ത ചില കാര്യങ്ങൾ ചിലപ്പോൾ കാണുകയും ചെയ്യും. ദിവസം നിരവധി ഒപ്റ്റിക്കൽ ഇല്ല്യൂഷൻ ചിത്രങ്ങളാണ് സാമൂഹിക മാധ്യമങ്ങളിൽ ഇടം പിടിക്കുന്നത്. ഇത്തരം ആശയക്കുഴപ്പം ഉണ്ടാക്കുന്ന ചിത്രങ്ങൾ ആളുകളെ കുഴക്കാറുമുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
