Weight Loss: നിലക്കടല ആരോ​ഗ്യ ​ഗുണങ്ങളാൽ സമ്പുഷ്ടം; ശരീരഭാരം കുറയ്ക്കാൻ സഹായിക്കുന്നതെങ്ങനെയെന്ന് അറിയാം

Weight Loss With Peanuts: നിലക്കടലയിൽ നാരുകളും പ്രോട്ടീനും അടങ്ങിയിട്ടുണ്ട്, ഇവ ശരീരഭാരം കുറയ്ക്കാൻ സഹായിക്കുന്ന രണ്ട് പോഷകങ്ങൾ ആണ്.

നിലക്കടല രുചിക്ക് പുറമേ ആവശ്യമായ പോഷകങ്ങളും നൽകുന്നു. ആരോഗ്യകരമായ കൊഴുപ്പുകളും പ്രോട്ടീനുകളും നിറഞ്ഞ മൈക്രോ, മാക്രോ ന്യൂട്രിയന്റുകൾ നിലക്കടലയിൽ ധാരാളമായി അടങ്ങിയിട്ടുണ്ട്. മാത്രമല്ല അവ നിരവധി രോഗങ്ങളിൽ നിന്ന് സംരക്ഷണം നൽകുന്നു. ശൈത്യകാലത്ത് നിലക്കടല കഴിക്കുന്നത് ശരീരഭാരം കുറയ്ക്കാൻ എങ്ങനെ സഹായിക്കുന്നുവെന്ന് നോക്കാം.

നിലക്കടലയിൽ നാരുകളും പ്രോട്ടീനും അടങ്ങിയിട്ടുണ്ട്, ശരീരഭാരം കുറയ്ക്കാൻ സഹായിക്കുന്ന രണ്ട് പോഷകങ്ങൾ ആണിവ. നാരുകൾ സംതൃപ്തി മെച്ചപ്പെടുത്തുകയും ദഹനം സുഗമമാക്കുകയും ചെയ്യുന്നു. ഇത് അമിതമായി ഭക്ഷണം കഴിക്കുന്നത് ഒഴിവാക്കാൻ ആളുകളെ സഹായിക്കുന്നു. ഇതുവഴി ശരീരഭാരം കുറയുന്നു.

ആരോഗ്യകരമായ കൊഴുപ്പുകളുടെയും പ്രോട്ടീനുകളുടെയും മികച്ച ഉറവിടമാണ് നിലക്കടല. ഇത് ചെറിയ അളവിൽ കഴിക്കുന്നതിലൂടെ ഇടയ്ക്കിടെ ഭക്ഷണം കഴിക്കാനുള്ള ആസക്തി കുറയ്ക്കുന്നു. ഇത് അമിതമായി കലോറി ഉപഭോ​ഗം വർധിക്കുന്നത് തടയുന്നു. ഇതുവഴി ശരീരഭാരം കുറയ്ക്കാൻ സഹായിക്കും.

കലോറിയിൽ ഉയർന്നതാണെങ്കിലും, പ്രതിദിനം ഒരു പിടി നിലക്കടല കലോറി നിയന്ത്രിത ഡയറ്റ് പ്ലാനിൽ ഉൾക്കൊള്ളിക്കുന്നത് ​ഗുണം ചെയ്യും. ഇത് നിങ്ങൾ മൊത്തത്തിൽ എത്ര കലോറി കഴിക്കുന്നു എന്നതിനെ നിയന്ത്രിക്കാൻ സഹായിക്കുന്നു. ധാതുക്കൾ, വിറ്റാമിനുകൾ, ആന്റിഓക്‌സിഡന്റുകൾ എന്നിവയുടെ മികച്ച ഉറവിടമാണ് നിലക്കടല.

നിലക്കടലയിൽ അടങ്ങിയിരിക്കുന്ന മഗ്നീഷ്യം മെറ്റബോളിസത്തെ സഹായിക്കുന്നു. നിലക്കടലയിൽ ധാരാളം കൊഴുപ്പ് അടങ്ങിയിരിക്കുന്നതിനാൽ അവ ഒഴിവാക്കണമെന്ന് പലരും കരുതുന്നു. എന്നിരുന്നാലും, മിതമായ അളവിൽ കഴിക്കുകയാണെങ്കിൽ, ഈ കൊഴുപ്പുകൾ ഹൃദയാരോഗ്യത്തിന് ​ഗുണം ചെയ്യും. നിങ്ങളുടെ ജീവിതശൈലിയും പോഷകാഹാരവും തമ്മിലുള്ള സന്തുലിതാവസ്ഥയാണ് ഏറ്റവും പ്രധാനം. അതിനാൽ നിലക്കടല മിതമായ അളവിൽ കഴിക്കണം.