ന്യൂഡൽഹി: ആഭ്യന്തര വിമാന യാത്രക്കാരുടെ എണ്ണത്തിൽ വൻ വർധനയാണ് രേഖപ്പെടുത്തിയിരിക്കുന്നതെന്ന് വ്യോമയാന മന്ത്രാലയം അറിയിച്ചു. വിവിധ ആഭ്യന്തര വിമാനക്കമ്പനികൾ സമർപ്പിച്ച ട്രാഫിക് കണക്കുകൾ അനുസരിച്ച്, യാത്രക്കാരുടെ എണ്ണം റെക്കോർഡ് ഭേദിച്ച് 503.92 ലക്ഷത്തിലെത്തി. മുൻ വർഷത്തെ അപേക്ഷിച്ച് 42.85% ഗണ്യമായ വാർഷിക വളർച്ചയാണ് രേഖപ്പെടുത്തിയിരിക്കുന്നത്.
കഴിഞ്ഞ വർഷം യാത്രക്കാരുടെ എണ്ണം 352.75 ലക്ഷം ആയിരുന്നു. ഉയർന്നുവരുന്ന യാത്രക്കാരുടെ കണക്കുകൾ വിമാന യാത്രയ്ക്കുള്ള വർദ്ധിച്ചു വരുന്ന ആവശ്യകതയാണ് സൂചിപ്പിക്കുന്നത്. കൂടാതെ വ്യോമയാന മേഖലയുടെ പോസിറ്റീവ് വളർച്ച എടുത്തുകാട്ടുന്നു.
ALSO READ: ഹെറോയിനുമായി അതിര്‍ത്തി കടന്ന് പാക് ഡ്രോണ്‍; വെടിവെച്ചിട്ട് ഇന്ത്യന്‍ സൈന്യം
കൂടാതെ, കഴിഞ്ഞ ഒരു വർഷത്തിനിടെ വളർച്ചാ നിരക്ക് 2022 ഏപ്രിലിനും 2023 ഏപ്രിലിനും ഇടയിൽ 22.18% വർദ്ധിച്ചു. ഇത് ആഭ്യന്തര വ്യോമയാന വ്യവസായത്തിന്റെ സുസ്ഥിരമായ വേഗതയ്ക്കാണ് അടിവരയിടുന്നതെന്ന് മന്ത്രാലയം അറിയിച്ചു. സുരക്ഷിതവും കാര്യക്ഷമവും ഉപഭോക്തൃ കേന്ദ്രീകൃതവുമായ വ്യോമയാന ആവാസവ്യവസ്ഥയെ പരിപോഷിപ്പിക്കുന്നതിൽ വിമാന കമ്പനികൾ, വിമാനത്താവളങ്ങൾ, വ്യോമയാന മന്ത്രാലയം എന്നിവയുടെ കൂട്ടായ പരിശ്രമത്തിന്റെ തെളിവാണ് ഈ സ്ഥിരതയുള്ള വളർച്ച.
യാത്രക്കാരുടെ എണ്ണത്തിലെ പ്രശംസനീയമായ വളർച്ചയ്ക്ക് പുറമേ, 2023 ഏപ്രിൽ മാസത്തെ ഷെഡ്യൂൾ ചെയ്ത ആഭ്യന്തര വിമാനങ്ങളുടെ മൊത്തത്തിലുള്ള റദ്ദാക്കൽ നിരക്ക് 0.47% എന്ന താഴ്ന്ന നിരക്കിൽ തുടർന്നു. കൂടാതെ, 2023 ഏപ്രിൽ മാസത്തിലെ കണക്കുകൾ പ്രകാരം, 10,000 യാത്രക്കാരിൽ ഏകദേശം 0.28 പേർ മാത്രമേ പരാതികൾ നൽകിയിട്ടുള്ളൂവെന്നും വ്യോമയാന മന്ത്രാലയം വ്യക്തമാക്കി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
