സെമി-ഹൈ ട്രെയിൻ സർവീസ്: മണിക്കൂറിൽ പരമാവധി 200 കിലോമീറ്റർ വേഗതയിൽ സർവീസ് നടത്തുന്ന പുതിയ സെമി-ഹൈ ട്രെയിൻ സർവീസ് ബ്രോഡ്ഗേജ് ലൈൻ ഏതാനും മാസങ്ങൾക്കുള്ളിൽ രണ്ട് നഗരങ്ങൾക്കുമിടയിൽ ആരംഭിക്കാൻ പദ്ധതിയിട്ട് ദക്ഷിണ റെയിൽവേ. പുതിയ സെമി-ഹൈ വൈഡ് ഗേജ് ലൈൻ പൂർത്തിയായാൽ ബെംഗളൂരുവിൽ നിന്ന് ചെന്നൈയിലേക്കുള്ള യാത്രാ സമയം രണ്ട് മണിക്കൂറായി കുറയും.
16 കോച്ചുകളും രണ്ട് എക്‌സിക്യൂട്ടീവ് ക്ലാസ് കോച്ചുകളുമുള്ള ഫുൾ റിസർവ്ഡ് ട്രെയിനായിരിക്കും പുതിയതായി സർവീസ് ആരംഭിക്കുക. ബെംഗളൂരു-ചെന്നൈ യാത്രാ സമയം രണ്ട് മണിക്കൂർ 15 മിനിറ്റ് ആയിരിക്കും. ബെംഗളൂരുവിലെ ബൈപ്പനഹള്ളിക്കും ചെന്നൈ സെൻട്രലിനും ഇടയിലുള്ള ഏകദേശം 350 കിലോമീറ്റർ ദൈർഘ്യമുള്ള സർവേയ്ക്ക് റെയിൽവേ മന്ത്രാലയം 8.3 കോടി രൂപ ബജറ്റിൽ അനുവദിച്ചിട്ടുണ്ട്.
ALSO READ: Kozhikode Train Fire: കോഴിക്കോട് ട്രെയിനിൽ തീ വയ്ക്കാൻ ശ്രമം; മഹാരാഷ്ട്ര സ്വദേശി പിടിയിൽ
200 കിലോമീറ്റർ വേഗതയിൽ ഓടുന്ന ട്രെയിനുകൾ കൈകാര്യം ചെയ്യുന്നതിന് ട്രാക്ക് നവീകരിക്കാൻ ദക്ഷിണ റെയിൽവേക്ക് പദ്ധതിയുണ്ട്. നവീകരണം ഈ വർഷം പൂർത്തിയാകുമെന്നാണ് പ്രതീക്ഷിക്കുന്നത്. പുതിയ ട്രെയിൻ സർവീസ് ആരംഭിക്കുന്നതോടെ ബെംഗളൂരു-ചെന്നൈ റൂട്ട് ഇന്ത്യയിലെ ഏറ്റവും വേഗതയേറിയ ട്രെയിൻ റൂട്ടുകളിലൊന്നായി മാറുമെന്ന് പ്രതീക്ഷിക്കുന്നു. നിലവിൽ ശരാശരി 81 കിലോമീറ്റർ വേഗതയിൽ സഞ്ചരിക്കുന്ന വന്ദേ ഭാരത് എക്‌സ്‌പ്രസ് നാല് മണിക്കൂറും 25 മിനിറ്റും കൊണ്ട് യാത്ര പൂർത്തിയാക്കുന്ന ബാംഗ്ലൂർ-ചെന്നൈ പാതയിലെ ഏറ്റവും വേഗതയേറിയ ട്രെയിനാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
