Cylinder Blast: സിലിണ്ടർ പൊട്ടിത്തെറിച്ച് അപകടം: രണ്ട് പേരുടെ നില ​ഗുരുതരം

Cylinder Blast in Bengaluru: സ്‌ഫോടനത്തെ തുടർന്ന് സമീപത്തെ അഞ്ച് വീടുകൾക്ക് കേടുപാടുകൾ സംഭവിച്ചു.

ബെംഗളൂരു: ചൊവ്വാഴ്ച ബെംഗളൂരുവിലെ യലഹങ്കയിൽ എൽപിജി സിലിണ്ടർ പൊട്ടിത്തെറിച്ച് അഞ്ച് വീടുകൾക്ക് കേടുപാടുകൾ സംഭവിക്കുകയും ഏഴ് പേർക്ക് പരിക്കേൽക്കുകയും ചെയ്തു. അപകടത്തിൽ പരിക്കേറ്റവരിൽ രണ്ട് പേരുടെ നില ഗുരുതരമാണ്. ഇവരെ വിക്ടോറിയ ആശുപത്രിയിലേക്ക് മാറ്റി. പരിക്കേറ്റവർ യലഹങ്ക സർക്കാർ ആശുപത്രിയിൽ ചികിത്സയിലാണെന്ന് പോലീസ് അറിയിച്ചു.

യലഹങ്കയിലെ ലാൽ ബഹദൂർ ശാസ്ത്രി ലേഔട്ടിലെ വീട്ടിലുള്ള സിലിണ്ടർ പൊട്ടിത്തെറിച്ചാണ് അപകടം ഉണ്ടായത്.  യലഹങ്ക പോലീസ് സ്റ്റേഷൻ പരിധിയിലാണ് നിർഭാഗ്യകരമായ സംഭവം നടന്നത് . സ്‌ഫോടനത്തെ തുടർന്ന് സമീപത്തെ അഞ്ച് വീടുകൾക്ക് കേടുപാടുകൾ സംഭവിച്ചു. വാസിയ ബാനു, സൽമ, ഷഹീദ്, അസ്മ, അഫ്രോസ് എന്നിവർക്കാണ് പരിക്കേറ്റത്. മറ്റ് രണ്ട് പേരെ ഇതുവരെ തിരിച്ചറിയാൻ സാധിച്ചിട്ടില്ല. നിലവിൽ യലഹങ്ക ന്യൂ ടൗൺ പോലീസാണ് കേസ് അന്വേഷിക്കുന്നത്.