ശ്രീനഗര്‍: ജമ്മു കാശ്മീരില്‍ വെടിനിറുത്തല്‍ കരാര്‍ ലംഘിച്ച്‌ ഇന്ത്യയുടെ സൈനിക പോസ്റ്റിനു നേരെ പാകിസ്ഥാന്‍ നടത്തിയ വെടിവയ്പില്‍ മൂന്ന് ജവാന്മാക്ക് വീരമൃത്യു. മരിച്ചവരില്‍ ഒരു ഓഫീസറും ഉള്‍പ്പെടും. അതുകൂടാതെ ഒരു ജവാന് പരിക്കേല്‍ക്കുകയും ചെയ്തിട്ടുണ്ട്.
കാശ്മീരിലെ കെറി സെക്ടറിലാണ് വെടിവയ്പുണ്ടായത്. യാതൊരു പ്രകോപനവും ഇല്ലാതിരുന്ന സാഹചര്യത്തില്‍ പാകിസ്ഥാന്‍ വെടിയുതിര്‍ക്കുകയായിരുന്നു. തുടര്‍ന്ന് ഇന്ത്യയും തിരിച്ചടിച്ചു. ഏറ്റുമുട്ടല്‍ ഇപ്പോഴും തുടരുകയാണെന്നാണ് റിപ്പോര്‍ട്ട്.
ഇന്ത്യയുമായി യുദ്ധമല്ല, സമാധാനമാണ് ആഗ്രഹിക്കുന്നതെന്ന് പാകിസ്ഥാന്‍ കരസേനാ മേധാവിയുടെ പ്രസ്താവനയ്ക്ക് പിന്നാലെയാണ് വെടിവയ്പുണ്ടായത്.
#FLASH Three jawans killed, including an officer, and one injured in ceasefire violation by Pakistan in Keri (120 Infantry Brigade) Batallion Area, J&K pic.twitter.com/C3TVcXWjTM
— ANI (@ANI) December 23, 2017
