ശ്രീനഗര്‍: ജമ്മു താവളത്തില്‍ നുഴഞ്ഞ കയറിയ ഭീകരരുടെ ആക്രമണത്തില്‍ മൂന്നു സൈനീകര്‍ക്ക് പരിക്കേറ്റു. പുലര്‍ച്ചെ അഞ്ചു മണിയോടെയാണ് ഭീകരര്‍ ആക്രമണം തുടങ്ങിയത്. ശ്രീനഗര്‍-ജമ്മു ദേശീയപാതയ്ക്ക സമീപമുള്ള താല്‍ക്കാലിക സൈനികതാവളത്തിന് അടുത്താണ് ഭീകരാക്രമണമുണ്ടായത്.
ജമ്മുവിൽ നിന്ന് 20 കിലോമീറ്റർ അകലെ സ്ഥിതി ചെയ്യുന്ന സൈനിക ക്യാമ്പാണ് നഗ്രോതയിലേത്. ഇന്ന് പുലർച്ചെ അഞ്ചരയോടു കൂടി . സൈന്യവും ഭീകരരും തമ്മിലുള്ള ഏറ്റുമുട്ടല്‍ തുടരുകയാണ്.
ആക്രമണത്തിന്‍റെ പശ്ചാത്തലത്തില്‍ സമീപ പ്രദേശങ്ങളില്‍നിന്ന് ജനങ്ങളെ ഒഴിപ്പിച്ചു. പ്രദേശത്തെ സ്‌കൂളുകള്‍ അടിച്ചിടാനും ഉത്തരവിട്ടിട്ടുണ്ട്. ഭീകരരെ നേരിടാന്‍ കൂടുതല്‍ സൈന്യത്തെ നിയോഗിച്ചിട്ടുണ്ട്.
നേരത്തേ രാവിലെ രാംഗറയില്‍ നുഴഞ്ഞു കയറാന്‍ രണ്ടു ഭീകരര്‍ ശ്രമിച്ചിരുന്നു. ഈ ശ്രമം സൈന്യം പരാജയപ്പെടുത്തുകയും ചെയ്തിരുന്നു. സൈന്യവും ഭീകരരും തമ്മില്‍ മണിക്കൂറുകളോളം വെടി വെയ്പ്പുണ്ടായിരുന്നു.
