Viral Video: ആനക്കുട്ടിയെ ചുമന്ന് 'വിലാപയാത്ര'!!

ചരിഞ്ഞ ആനക്കുട്ടിയെ ചുമന്ന് വരിവരിയായി പോകുന്ന ആനകളുടെ വീഡിയോ സമൂഹ മാധ്യമങ്ങളില്‍ വൈറലാകുന്നു. ചരിഞ്ഞ കുട്ടിയെ തുമ്പികൈയില്‍ കോര്‍ത്ത് റോഡ്‌ മുറിച്ച് കടക്കുകയാണ് ആന കൂട്ടം.

ആനക്കുട്ടിയുടെ വിയോഗത്തില്‍ ഏറെ ദുഃഖത്തിലാണ് ആനകളെന്ന് വീഡിയോ കാണുമ്പോള്‍ മനസിലാകും. ഐഎഫ്എസിലെ വിദേശ റേഞ്ചറായ പര്‍വീന്‍ കസ്വാനാണ് ഈ വീഡിയോ സമൂഹ മാധ്യമങ്ങളില്‍ പങ്കുവച്ചിരിക്കുന്നത്.  

വിലാപയാത്ര പോലെയാണ് ആനക്കൂട്ടം ചരിഞ്ഞ കുട്ടിയാനയുമായി പോകുന്നത്. കുട്ടിയെ ചുമക്കുന്ന ആനയാണ് ആദ്യം കാടിനുള്ളില്‍ നിന്നും പുറത്തേക്ക് വരുന്നത്. 

This will move you !! Funeral procession of the weeping elephants carrying dead body of the child elephant. The family just don’t want to leave the baby. pic.twitter.com/KO4s4wCpl0

— Parveen Kaswan, IFS (@ParveenKaswan) June 7, 2019

മറുവശത്തെത്തി കുട്ടിയെ താഴെയിട്ട ശേഷം മറ്റ് ആനകള്‍ക്കായി കാത്തു നില്‍ക്കുകയും ചെയ്യുന്നു. മറ്റുള്ളവരെത്തിയ ശേഷ൦ കാടിനുള്ളിലേക്ക് യാത്ര തുടരുകയാണ് ആന കൂട്ടം. 

സുരക്ഷിത ദൂരത്തില്‍ നിന്ന് വിലാപയാത്ര വീക്ഷിക്കുന്ന വിനോദ സഞ്ചാരികളെയും വീഡിയോയില്‍ കാണാനാകും. ഏകദേശം ഒന്നര ലക്ഷത്തോളം ആളുകള്‍ വീഡിയോ കാണുകയും 13000ലധികം പേര്‍ ലൈക്ക് ചെയ്യുകയും ചെയ്തു.