പരാതിയിൽ കേസെടുത്തില്ല; കൂട്ടബലാത്സംഗത്തിനിരയായ ദളിത് യുവതി ആത്മഹത്യ ചെയ്തു

നാല് ദിവസങ്ങൾക്ക് മുൻപ് മുൻപ് മൂന്നുപേർ ചേർന്നാണ് ഇരയായ മുപ്പത്തിമൂന്നുകാരിയെ ക്രൂരമായി ബലാത്സംഗം ചെയ്തത്.

ഭോപാൽ:  മധ്യപ്രദേശിൽ (Madhya Pradesh) കൂട്ടബാലാത്സംഗത്തിന് ഇരയായ ദളിത് യുവതി (Dalit woman) ആത്മഹത്യ ചെയ്തു. നാല് ദിവസങ്ങൾക്ക് മുൻപ്  മുൻപ് മൂന്നുപേർ ചേർന്നാണ് ഇരയായ മുപ്പത്തിമൂന്നുകാരിയെ ക്രൂരമായി ബലാത്സംഗം (Rape case) ചെയ്തത്.  യുവതിയെ വെള്ളിയാഴ്ച സ്വന്തം വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. 

വിഷയത്തിൽ പൊലീസിൽ പരാതി നൽകി മൂന്ന് ദിവസമായിട്ടും കേസെടുക്കാത്തത്തിൽ മനംനൊന്താണ് യുവതി ആത്മഹത്യ (Suicide) ചെയ്തതെന്ന് ബന്ധുക്കൾ ആരോപിച്ചു.  മാത്രമല്ല പരാതി നൽകാൻ  ചെന്ന യുവതിയുടെ ഭർത്താവിനേയും  ബന്ധുക്കളേയും പൊലീസ് (Police) ഔട്ട്പോസ്റ്റിൽ തടഞ്ഞുവെച്ചുവെന്നും ശേഷം അവരെ പറ്റേദിവസമാണ് ഇവരെ വിട്ടയച്ചതെന്നും ബന്ധുക്കൾ ആരോപിച്ചു.  

സംഭവം വിവാദമായതോടെ പൊലീസ് (Police) വെള്ളിയാഴ്ച കേസെടുക്കുകയും രണ്ടുപേരെ അറസ്റ്റുചെയ്യുകയും ചെയ്തിട്ടുണ്ട്.  വെള്ളിയാഴ്ച വെള്ളമെടുക്കാനായി വീടിന് സമീപം പോയ യുവതിയെ പീഡനക്കാര്യം പറഞ്ഞ് അയൽക്കാരിയായ സ്ത്രീ കളിയാക്കുകയും ചെയ്തിരുന്നു.  ഇവർക്കെതിരെ ആത്മഹത്യാ പ്രേരണാ കൂട്ടം ചുമത്തി പൊലീസ് (Police) കേസെടുത്തിട്ടുണ്ട്.  

കേസെടുക്കുന്നതിൽ വീഴ്ച വരുത്തിയെന്നതിൽ എഎസ്ഐ മിശ്രിലാലിനെ സസ്പെൻഡ് (Suspension)  ചെയ്യുകയും ശേഷം ഇയാളെ അറസ്റ്റു ചെയ്തുവെന്നും നർസിങ് ജില്ല പൊലീസ് സൂപ്രണ്ട്  അറിയിച്ചു. സംഭവത്തിൽ അടിയന്തരമായ നടപടിയെടുക്കാൻ മുഖ്യമന്ത്രി ഉത്തരവിട്ടിട്ടുണ്ട്.