ഗാന്ധിനഗര്: കോണ്ഗ്രസ് പാര്ട്ടിയില് നിന്നുള്ള നേതാക്കളുടെ കൂടുമാറല് തുടരുകയാണ്.
ഏറ്റവും ഒടുവിലായി ഗുജറാത്തില്നിന്നുമാണ് വാര്ത്ത. ഗുജറാത്തിലെ മുതിര്ന്ന കോണ്ഗ്രസ് നേതാവും എംഎല്എയുമായ കുന്വര്ജി ബവാലിയയാണു പാര്ട്ടി അംഗത്വവും എംഎല്എ സ്ഥാനവും രാജിവച്ചത്. കോളി സമുദായ നേതാവും കൂടിയായിരുന്നു അദ്ദേഹം.
അദ്ദേഹം തന്റെ രാജിക്കത്ത് ഗുജറാത്ത് നിയമസഭാ സ്പീക്കര് രാജേന്ദ്ര ത്രിവേദിയ്ക്ക് കൈമാറി.
Gujarat: Congress MLA from Jasdan, Kunvarji Bavalia (on right) hands over his resignation to Legislative Assembly Rajendra Trivedi at the latter's residence in Gandhinagar. pic.twitter.com/QtDPQ5FBwI
— ANI (@ANI) July 3, 2018
രാജ്കോട്ടിലെ ജസ്ദന് മണ്ഡലത്തില്നിന്നു നാലുവട്ടം അദ്ദേഹം നിയമസഭയിലേക്കു തെരഞ്ഞെടുക്കപ്പെട്ടിട്ടുണ്ട്. കൂടാതെ 2009-ല് രാജ്കോട്ടില്നിന്നു൦ ലോക്സഭയിലേക്കു൦ തെരഞ്ഞെടുക്കപ്പെട്ടിരുന്നു.
പാര്ട്ടിയില് ഉന്നതസ്ഥാനങ്ങള് നല്കാത്തതിനെ തുടര്ന്നാണ് രാജി എന്ന് പറയപ്പെടുന്നു. ഇത് സംബന്ധിച്ച് വളരെ കാലമായി പാര്ട്ടി നേതൃത്വവുമായി ഉടക്കിനില്ക്കുകയായിരുന്നു അദ്ദേഹം.
അതേസമയം, രാജിവച്ചതിന് പിന്നാലെ ബിജെപി ആസ്ഥാനത്തെത്തിയ കുന്വര്ജി സംസ്ഥാന പ്രസിഡന്റ് ജിത്തു വഗാനിയുമായും രണ്ടു കാബിനറ്റ് മന്ത്രിമാരുമായും കൂടിക്കാഴ്ച നടത്തി. ഉടന്തന്നെ കുന്വര്ജി ബിജെപിയില് ചേരുമെന്നാണു സൂചന.