ആശങ്കയേറുന്നു.... കൊറോണ രോഗികളുടെ എണ്ണത്തില്‍ ഇന്ത്യ രണ്ടാമത്!!

ന്യൂഡല്‍ഹി: കൊറോണ വൈറസ് രോഗികളുടെ എണ്ണത്തില്‍ ഇന്ത്യ രണ്ടാമതെന്ന് റിപ്പോര്‍ട്ട്. ബ്രസീലിനെ പിന്നിലാക്കിയാണ് ഇന്ത്യ രണ്ടാം സ്ഥാനത്തെത്തിയിരിക്കുന്നത്. ഇന്ത്യയില്‍ 4,109,476 പേര്‍ക്കാണ് നിലവില്‍ രോഗ ബാധയുള്ളതെന്നാണ് വേള്‍ഡോ മീറ്റര്‍ കണക്കുകള്‍ പറയുന്നത്.

രോഗബാധിതരുടെ എണ്ണത്തില്‍ അമേരിക്കയാണ് ഒന്നാം സ്ഥാനത്ത്. ബ്രസീല്‍ മൂന്നാം സ്ഥാനത്താണ്. 6,410,295 പേര്‍ക്കാണ് അമേരിക്കയില്‍ രോഗബാധയുള്ളത്. 4,093,586 രോഗികളാണ് ബ്രസീലിലുള്ളത്. 1,020,3120 രോഗികളുള്ള റഷ്യയാണ് നാലാം സ്ഥാനത്ത്.

എന്നാല്‍, കേന്ദ്ര സര്‍ക്കാരിന്റെ ഔദ്യോഗിക കണക്കുകള്‍ ഇതുവരെ പുറത്ത് വന്നിട്ടില്ല. 26,954,190 കൊറോണ രോഗികളാണ് ലോകത്താകമാനമുള്ളത്. 8,81,406 മരണങ്ങള്‍ റിപ്പോര്‍ട്ട് ചെയ്തപ്പോള്‍ 19,045.491 പേര്‍ രോഗമുക്തി നേടി.