Mann Ki Baat: രാജ്യത്തെ ജനങ്ങളെ പുതിയ ഊർജ്ജത്തോടും ഉത്സാഹത്തോടും കൂടി പുതുവർഷത്തെ വരവേൽക്കാൻ ആഹ്വാനം ചെയ്ത് 2023ലെ തന്‍റെ അവസാന 'മൻ കി ബാത്തിൽ' പ്രധാനമന്ത്രി നരേന്ദ്രമോദി. 2023 ഏറെ നേട്ടങ്ങള്‍ സ്വന്തമാക്കിയ വര്‍ഷമാണ്‌ കടന്നുപോകുന്നത് എന്നും അദ്ദേഹം എടുത്തുപറഞ്ഞു.
Also Read: Horoscope Today, December 31: ഈ രാശിക്കാര്‍ ഇന്ന് തൊഴില്‍ രംഗത്ത് നേട്ടങ്ങള്‍ കൈവരിക്കും!! ഇന്നത്തെ രാശിഫലം അറിയാം
തന്‍റെ പ്രതിമാസ റേഡിയോ പരിപാടിയുടെ 108 എപ്പിസോഡുകൾ രാജ്യത്തെ വിവിധ മേഖലകളിൽ നിന്നും പ്രദേശങ്ങളിൽ നിന്നുമുള്ള പൊതുജന പങ്കാളിത്തത്തിന്‍റെയും പ്രചോദനത്തിന്‍റെയും ഉദാഹരണങ്ങളാണ് എന്ന് അദ്ദേഹം പറഞ്ഞു. ഏറെ നേട്ടങ്ങൾ സ്വന്തമാക്കിയ വർഷമാണ് കടന്നുപോകുന്നത്, കായിക മത്സരങ്ങളിലും, ഓസ്കറിലും ഇന്ത്യ വലിയ നേട്ടങ്ങൾ നേടിയെടുത്തു. പാരീസ് ഒളിംപിക്സിലും രാജ്യം വലിയ നേട്ടങ്ങൾ സ്വന്തമാക്കുമെന്നും മോദി ആത്മവിശ്വാസം പ്രകടിപ്പിച്ചു.
Also Read: Jupiter Direct 2024: ഇന്ന് മുതൽ ഈ രാശിക്കാരുടെ ഭാഗ്യം തെളിയും, അടുത്ത 4 മാസം പണം കൊയ്യും!!
ഉയര്‍ച്ചയുടെ ഈ ഘട്ടത്തിലെത്തിയ ശേഷം, പുതിയ ഊർജത്തോടെയും വേഗത്തിലും പുതുതായി വളരാൻ ജനങ്ങൾ ദൃഢനിശ്ചയം ചെയ്യണമെന്നും അദ്ദേഹം പറഞ്ഞു. 2024 ലെ ആദ്യ സൂര്യോദയം തന്‍റെ 'മൻ കി ബാത്തിന്‍റെ' അടുത്ത ദിവസമായിരിക്കുമെന്നത് സന്തോഷകരമായ യാദൃശ്ചികമാണെന്നും അദ്ദേഹം കൂട്ടിച്ചേർത്തു.
തന്‍റെ പ്രതിമാസ പരിപാടിയായ മൻ കി ബാത്തില്‍ അയോധ്യയിലെ രാമക്ഷേത്രത്തിനായി രാജ്യം മുഴുവനും ആവേശം കൊള്ളുന്നതിലും അദ്ദേഹം സന്തോഷം പ്രകടിപ്പിച്ചു. പുതിയ 'ഭജനകൾ' രചിക്കുക, കവിതകൾ എഴുതുക, പെയിന്റിംഗുകൾ നിർമ്മിക്കുക എന്നിങ്ങനെ വ്യത്യസ്ത രീതികളിൽ ആളുകൾ അവരുടെ വികാരങ്ങൾ പ്രകടിപ്പിക്കുന്നുണ്ടെന്ന് അദ്ദേഹം പറഞ്ഞു. രാമക്ഷേത്രം ഇന്ത്യയുടെ സാംസ്കാരികവും ആത്മീയവുമായ പൈതൃകത്തിന്‍റെ പ്രതീകമാണെന്നും ഭാവിതലമുറയ്ക്ക് പ്രചോദനത്തിന്‍റെ ഉറവിടമാണെന്നും അദ്ദേഹം പറഞ്ഞു.
ഇന്ന്, രാജ്യം 'വിക്ഷിത് ഭാരത്', സ്വാശ്രയത്വം എന്നിവയാൽ നിറഞ്ഞിരിക്കുകയാണെന്ന് പ്രധാനമന്ത്രി നരേന്ദ്ര മോദി പറഞ്ഞു, ഈ ചൈതന്യവും വേഗതയും 2024ലും നിലനിർത്തേണ്ടതുണ്ടെന്ന് ഉറപ്പിച്ചു പറഞ്ഞ അദ്ദേഹം ശാരീരികവും മാനസികവുമായ ആരോഗ്യത്തിനും ഊന്നൽ നൽകിക്കൊണ്ട് 'ഫിറ്റ് ഇന്ത്യ'യ്‌ക്കായി നടത്തിവരുന്ന നിരവധി അതുല്യമായ ശ്രമങ്ങൾ എടുത്തുകാണിക്കുകയും ചെയ്തു.
സംപ്രേക്ഷണ വേളയിൽ, ഇഷ ഫൗണ്ടേഷൻ സ്ഥാപകൻ സദ്ഗുരു, ഇന്ത്യൻ വനിതാ ക്രിക്കറ്റ് ടീം ക്യാപ്റ്റൻ ഹർമൻപ്രീത് കൗർ, ചെസ്സ് ഇതിഹാസം വിശ്വനാഥൻ ആനന്ദ്, നടൻ അക്ഷയ് കുമാർ എന്നിവർ തങ്ങളുടെ ഫിറ്റ്നസ് ടിപ്പുകൾ പങ്കിട്ടു.
വനിതാ സംവരണ ബിൽ പാസാക്കിയതടക്കം നിരവധി പ്രത്യേക നേട്ടങ്ങൾ ഈ വർഷം ഇന്ത്യ കൈവരിച്ചതായി അദ്ദേഹം പറഞ്ഞു. കൂടാതെ മില്ലറ്റ് അടിസ്ഥാനമാക്കിയ സ്റ്റാർട്ടപ്പുകളെ പ്രധാനമന്ത്രി പരിചയപ്പെടുത്തി. ഈ വർഷത്തെ അവസാനത്തെ മൻ കി ബാത് ആണ് ഇന്ന് സംപ്രേക്ഷണം ചെയ്തത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
