ന്യൂഡൽഹി: കേരളത്തിൽ നേതൃമാറ്റം നടത്തിയ രീതിയിലുള്ള എതിർപ്പ് ഹൈക്കമാൻഡിനെ (High command) അറിയിച്ച് ഉമ്മൻചാണ്ടി. നേതൃമാറ്റത്തിൽ കൂടിയാലോചനകൾ നടത്തേണ്ടതായിരുന്നു. രാഹുൽ ഗാന്ധിയുമായി നടത്തിയ കൂടിക്കാഴ്ചയിലാണ് ഉമ്മൻചാണ്ടി (Oommen Chandy) നിലപാട് അറിയിച്ചത്.
നേതൃമാറ്റത്തിൽ കൂടിയാലോചനകൾ നടത്താമായിരുന്നു. തോൽവിക്ക് കാരണം സംഘടനാ ദൗർബല്യമല്ല. അനാവശ്യ വിവാദങ്ങൾ കാരണം മുതിർന്ന നേതാക്കൾ ശത്രുക്കളാണെന്ന തോന്നലുണ്ടാക്കിയെന്നും ഉമ്മൻചാണ്ടി പറഞ്ഞു. നേത‍ൃമാറ്റത്തോട് വിയോജിപ്പില്ല. അതിന് നിയോഗിക്കപ്പെട്ട നേതാക്കളോടും വിയോജിപ്പില്ല. എന്നാൽ നേതൃമാറ്റം നടപ്പാക്കിയ രീതിയോട് അതൃപ്തിയുണ്ടെന്നും ഉമ്മൻചാണ്ടി വ്യക്തമാക്കി.
സംഘടനാ സാഹചര്യങ്ങളും തെരഞ്ഞെടുപ്പിന് ശേഷമുള്ള സാഹചര്യങ്ങളും കോൺഗ്രസിനെ (Congress Party) പ്രതിരോധത്തിലാക്കിയിരുന്നു. നിലവിലെ സാഹചര്യത്തിൽ തെരഞ്ഞെടുപ്പ് രീതിയെ അംഗീകരിച്ചില്ലെങ്കിലും ഒന്നിച്ച് മുന്നോട്ട് പോകുകയെന്ന തീരുമാനമാണ് ഉമ്മൻചാണ്ടി കൈക്കൊണ്ടിരിക്കുന്നത്.
കേരളത്തിൽ കോൺഗ്രസിന്റെ നേതൃമാറ്റം ഉൾപ്പെടെയുള്ള സംഘടനാ സംവിധാനങ്ങളിൽ വരുത്തിയ മാറ്റം മുതിർന്ന നേതാക്കളിൽ അതൃപ്തിക്ക് കാരണമായിട്ടുണ്ടെന്ന് വ്യക്തമായിരുന്നു. ഈ സാഹചര്യത്തിലാണ് ഹൈക്കമാൻഡ് കേരളത്തിലെ മുതിർന്ന നേതാക്കളെ അനുനയിപ്പിക്കുന്നതിനായി മുന്നോട്ട് വന്നത്. ഇതിന്റെ ഭാഗമായാണ് രാഹുൽ ഗാന്ധി (Rahul Gandhi) ഉമ്മൻചാണ്ടിയുമായി കൂടിക്കാഴ്ച നടത്തിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
ios Link - https://apple.co/3hEw2hy
