ബംഗളൂരു: അമിത വേഗതയിൽ ബൈക്കിൽ പാഞ്ഞ ആളെ ബംഗളൂരു പൊലീസ് അറസ്റ്റു ചെയ്തു. സോഷ്യൽ മീഡിയയിൽ വൈറലായ ഒരു വീഡിയോയുടെ അടിസ്ഥാനത്തിലാണ് ഈ അറസ്റ്റ്. വീഡിയോ ഇൻസ്റ്റാഗ്രാമിലൂടെ പങ്കുവെച്ചത് മറ്റാരുമല്ല ബൈക്ക് ഓടിച്ച ആളുതന്നെയാണ്.
Also read: viral video: യുവതിക്കൊപ്പം സെൽഫിയ്ക്ക് പോസ് ചെയ്ത് കരടി.. !
ഇ-സിറ്റി ഫ്ലൈഓവറിലൂടെ 299 കിലോമീറ്റർ വേഗതയിൽ കുതിച്ച 1000 സിസി യമഹ ആർ1 ബൈക്കിന്റെ വീഡിയോയാണ് സോഷ്യൽ മീഡിയയിൽ വൈറലായത്. ഈ വീഡിയോ ശ്രദ്ധയിൽപ്പെട്ട ഉടനെതന്നെ അപകടകരമായ രീതിയിൽ വാഹനമോടിച്ച മുനിയപ്പ എന്നയാളെ ബംഗളൂരു പൊലീസ് കണ്ടെത്തുകയും ഇയാളുടെ വാഹനം കസ്റ്റഡിയിലെടുക്കുകയും ചെയ്തു.
Also read: viral video: ഭോജനം കഴിഞ്ഞു, ഒന്നു കുളിക്കാന്ന് വിചാരിച്ചതാ.. പക്ഷെ!
റോഡിലുള്ള മറ്റ് വാഹനങ്ങളെ 200 കിലോമീറ്ററിലേറെ വേഗതയിൽ അപകടകരമായ രീതിയിൽ ബൈക്ക് മറികടക്കുന്നതും നിങ്ങൾക്ക് വീഡിയോയിലൂടെ കാണാൻ കഴിയും. ഇങ്ങനെ സ്വന്തം ജീവനും മറ്റുള്ളവരുടെ ജീവനേയും അപകടത്തിലാക്കി വാഹനമോടിച്ച ഡ്രൈവറേയും വാഹനത്തേയും പിടികൂടിയതായി ഈ വീഡിയോ ട്വീറ്റ് ചെയ്തുകൊണ്ട് ബംഗളൂരു ജോയിന്റ് പൊലീസ് കമ്മീഷണർ സന്ദീപ് പാട്ടീൽ പറഞ്ഞു.
This video made viral by the rider.. going at a dangerous speed of almost 300 kmph at Ecity flyover putting his own & others life at risk..CCB traced the rider & seized bike Yamaha 1000 CC.. handed over to traffic.. #drivesafe.. @CPBlr @BlrCityPolice pic.twitter.com/RoC6csoR38
— Sandeep Patil IPS (@ips_patil) July 21, 2020
