Bineesh Kodiyeri: വിദേശനാണ്യ വിനിമയ ചട്ട ലംഘന കേസ്; ബിനീഷ് കോടിയേരിയുടെ ഇന്നത്തെ ചോദ്യം ചെയ്യൽ അവസാനിച്ചു

Bineesh kodiyeri fema case: ബിനീഷ് കോടിയേരിയുടെ കേരളത്തിലെ കമ്പനികളെ കേന്ദ്രീകരിച്ച് എൻഫോഴ്സ്മെന്റ് ഡയറക്ടറേറ്റിന്റെ അന്വേഷണം തുടരുകയാണ്.

വിദേശനാണ്യ വിനിമയ ചട്ട ലംഘന കേസിൽ ഇന്നത്തെ ചോദ്യം ചെയ്യൽ പൂർത്തിയാക്കി ബിനീഷ് കോടിയേരി ഇ ഡി ഓഫീസില്‍  നിന്ന് മടങ്ങിയെന്ന് സൂചന. ഇടിയുടെ കൊച്ചിയിലെ ഓഫീസിൽ ബുധനാഴ്ച രാവിലെ 11 മണിയോടെയായിരുന്നു ബിനീഷ് കോടിയേരി എത്തിയത്. ഫെമ ചട്ടലങ്ങനവുമായി ബന്ധപ്പെട്ടതാണ് ബിനീഷിനെ ചോദ്യം ചെയ്യാൻ വിളിപ്പിച്ചതെന്ന് നേരത്തെ ഇഡി അറിയിച്ചിരുന്നു.

 ബിനീഷ് കോടിയേരിയുടെ കേരളത്തിലെ കമ്പനികളെ കേന്ദ്രീകരിച്ച്  എൻഫോഴ്സ്മെന്റ്  ഡയറക്ടറേറ്റിന്റെ അന്വേഷണം തുടരുകയാണ്. ആ പശ്ചാത്തലത്തിലാണ് ഇപ്പോൾ ബിനീഷിനെ ചോദ്യം ചെയ്യാനായി വിളിച്ചിരിക്കുന്നത്. ബിനീഷിന്റെ  സാമ്പത്തിക ഇടപാടുകളിൽ ക്രമക്കേടുണ്ടോ എന്നാണ് ഇഡി പരിശോധിക്കുന്നത്.

ഇതിനായി ഇടപാടുകളുമായി ബന്ധപ്പെട്ട രേഖകൾ ഇഡി ആവശ്യപ്പെട്ടതായാണ് സൂചന. ബിനീഷ് കോടിയേരിയെ
ലഹരി മരുന്ന് കടത്തുകേസിൽ ബംഗളൂരുവിൽ അറസ്റ്റിലായപ്പോൾ  നാലാം പ്രതിയാക്കി ഇ.ഡി. കേസെടുത്തിരുന്നു.ഒരു വർഷത്തോളം ജയിലിൽ കഴിഞ്ഞ ശേഷമായിരുന്നു അന്ന് അറസ്റ്റിലായ ബിനീഷിന്   ജാമ്യം ലഭിച്ചത്. ലഹരിക്കേസിൽ ബിനീഷ് പ്രതിയല്ലെന്ന റിപ്പോർട്ടിന്‍റെ അടിസ്ഥാനത്തിൽ ഈ കേസിന്‍റെ തുടർനടപടികൾ ഹൈക്കോടതി സ്റ്റേ ചെയ്തിരുന്നു.