തിരുവനന്തപുരം: തിരുവനന്തപുരം പാലോട് ഇടിഞ്ഞാർ വനത്തിൽ കാട്ടുതീ. ഇടിഞ്ഞാർ മൈലാടുംകുന്ന്, മല്ലച്ചൽ പ്രദേശത്താണ് കാട്ടുതീ പടർന്നത്. ഇടിഞ്ഞാർ നിന്നും രണ്ട് കിലോമീറ്റർ ഉൾ വനത്തിലാണ് തീ പടർന്ന് പിടിക്കുന്നത്. കാട്ടുതീയിൽ 50 ഏക്കർ കത്തിനശിച്ചു. വിതുര ഫയർഫോഴ്സും പാലോട് റെയ്ഞ്ച് വനം വകുപ്പ് ഉദ്യോഗസ്ഥരും ചേർന്ന് തീ അണയ്ക്കാനുള്ള ശ്രമം തുടരുകയാണ്. എന്നാൽ നല്ല വെയിൽ ആയതിനാൽ പെട്ടെന്ന് തീ പടരുകയാണ്. 11 മണിയോടെയാണ് തീ കത്തുന്നത് നാട്ടുകാർ കണ്ടത്. ഉടൻ വനം വകുപ്പിനെ അറിയിക്കുകയായിരുന്നു. മ്ലാവ് കൂടുതൽ ഉള്ള സ്ഥലമാണ് ഇടിഞ്ഞാർ മേഖല.
Gold Price Today: സ്വർണ്ണ വിലയിൽ ഇന്നും ഇടിവ്, ഏറ്റവും പുതിയ നിരക്കുകൾ ഇതാണ്
കൊച്ചി: സംസ്ഥാനത്ത് സ്വർണ്ണ വിലയിൽ ഇന്നും ഇടിവ്. പവന് 160 രൂപ കുറഞ്ഞ് വില 41440 രൂപയായി. ഗ്രാമിന് കുറഞ്ഞത് 20 രൂപയാണ്. ഒരു ഗ്രാം സ്വർണ്ണത്തിൻറെ ഇന്നത്തെ വിൽപ്പന വില 5180 രൂപയാണ്. പവന് 42200 എന്ന നിലയിലാണ് സ്വർണ്ണ വില ഫ്രെബ്രുവരിയിൽ ആരംഭിച്ചത്. ഇന്നലെ 22 കാരറ്റ് സ്വർണ്ണത്തിൻറെ വില ഗ്രാമിന് 5200 ഉം, പവന് 41600 രൂപയുമായിരുന്നു.
കഴിഞ്ഞ വർഷത്തെ കണക്ക് പരിശോധിച്ചാൽ 2022 അവസാനം ഡിസംബറിൽ 22 കാരറ്റ് സ്വർണ്ണത്തിന് 48,750 രൂപയാണ് എന്നാൽ അതേ മാസം അവസാനം വില 50,600 ലേക്ക് എത്തി.2023 തുടക്കം മുതല്‍ സ്വര്‍ണ വിപണി കുതിയ്ക്കുകയാണ്. ജനുവരി 1 മുതല്‍ സ്വര്‍ണവില 40,000 ത്തിന് മുകളിലാണ്. അടുത്തിടെ ചരിത്രത്തിലെ ഏറ്റവും ഉയർന്ന നിരക്കിലും സ്വര്‍ണവില എത്തിയിരുന്നു. ജനുവരി 26നാണ് സ്വർണവില സർവകാല റെക്കോഡിലെത്തിയിരുന്നു. അന്ന് പവന് 42,480 രൂപയായിരുന്നു രേഖപ്പെടുത്തിയത്.
അതേസമയം, ഫെബ്രുവരിയിലും അതേ നില തുടരുകയായിരുന്നു. ഈ മാസത്തെ ഏറ്റവും കുറഞ്ഞ നിരക്ക് 41,920 രൂപയായിരുന്നു. ഫെബ്രുവരി 4, 5 തിയതികളില്‍ ആയിരുന്നു ഇത് രേഖപ്പെടുത്തിയത്. ഏറ്റവും കൂടിയ നിരക്ക് ഫെബ്രുവരി 2 ന് രേഖപ്പെടുത്തിയ 42,880 രൂപയാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
