കോഴിക്കോട്: ബിജെപിയുടെ CAA അനുകൂല റാലിയില് മുസ്ലീം വിരുദ്ധ മുദ്രാവാക്യം മുഴക്കിയ ആറ് ബിജെപി പ്രവര്ത്തകര് അറസ്റ്റില്!
കുറ്റ്യാടിയില് പൗരത്വ ഭേദഗതി നിയമത്തെ അനുകൂലിച്ചുള്ള പ്രകടനത്തിനിടെയാണ് പ്രകോപനം നിറഞ്ഞ മുദ്രാവാക്യം വിളിച്ചത്. മതസ്പര്ദ്ധ വളര്ത്തല് ഉള്പ്പെടെയുള്ള വകുപ്പുകള് ചുമത്തിയാണ് കുറ്റ്യാടി പോലീസ് ഇവര്ക്കെതിരെ കേസെടുത്ത് അറസ്റ്റ് ചെയ്തത്.
നിരവധി പ്രവര്ത്തകര്ക്കെതിരെ കേസെടുക്കുകയും ചെയ്തിട്ടുണ്ട്. അറസ്റ്റിലായ ആറ് പേരെയും പിന്നീട് ജാമ്യത്തില് വിട്ടു.
ഓര്മ്മയില്ലേ ഗുജറാത്ത്, ഉമ്മപ്പാല് കുടിച്ചെങ്കില് ഇറങ്ങിവാടാ, എന്നിങ്ങനെ വിദ്വേഷ പരാമര്ശങ്ങളടങ്ങിയ മുദ്രാവാക്യങ്ങള് മുഴക്കിയായിരുന്നു ബിജെപി റാലി. ബിജെപിയുടെ പൊതുയോഗത്തില് എംടി രമേശായിരുന്നു ഉദ്ഘാടകന്.
പൗരത്വ ഭേദഗതിയുമായി ബന്ധപ്പെട്ട് ബിജെപിയുടെ വിശദീകരണ പരിപാടി തുടങ്ങും മുമ്പ് വ്യാപാരികള് കടകള് അടച്ചതിന് പിന്നാലെയായിരുന്നു പ്രകടനം.
സംഭവത്തില് പ്രവര്ത്തകര്ക്കെതിരെ നടപടിയുണ്ടാകുമെന്ന് ബിജെപി അറിയിച്ചിരുന്നെങ്കിലും പിന്നാലെ നടപടി വേണ്ടെന്ന് വ്യക്തമാക്കി പാര്ട്ടി സംസ്ഥാന സെക്രട്ടറി എം.ടി. രമേശ് രംഗത്തെത്തിയിരുന്നു.
മുസ്ലീംവിരുദ്ധ മുദ്രാവാക്യം മുഴക്കിയ പ്രവര്ത്തകര്ക്കെതിരെ നടപടി വേണ്ട, എന്നാല് പ്രവര്ത്തകര് മുഴക്കിയ മുദ്രാവാക്യത്തോട് ബിജെപിക്ക് യോജിപ്പില്ലെന്നും എംടി രമേശ് പറഞ്ഞിരുന്നു.
ഡിവൈഎഫ്ഐ നല്കിയ പരാതിയിലാണ് കുറ്റ്യാടി പോലീസ് കേസെടുത്തത്. മതസ്പര്ദ്ധ സൃഷ്ടിച്ച് സാമൂഹികാന്തരീക്ഷം തകര്ക്കാന് ശ്രമിച്ചതിന് കേസെടുക്കണം എന്നായിരുന്നു ഡിവൈഎഫ്ഐ നല്കിയ പരാതിയിലെ ആവശ്യം.
പാറക്കല് അബ്ദുല്ല എംഎല്എയും, യൂത്ത് ലീഗും ഇതേ ആവശ്യമുന്നയിച്ച് പരാതി നല്കിയിരുന്നു.