ശിവശങ്കറിന്റെ ജാമ്യാപേക്ഷ ഹൈക്കോടതി ഇന്ന് പരിഗണിക്കും

സ്വർണ്ണക്കടത്ത് കേസുമായി ബന്ധപ്പെട്ട വ്യാജ ഇടപാടിൽ പങ്കുണ്ടെന്നാരോപിച്ചാണ് ഇഡി കഴിഞ്ഞമാസമാണ് ശിവശങ്കറിനെ അറസ്റ്റു ചെയ്തത്.

കൊച്ചി:  മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിന്റെ ജാമ്യാപേക്ഷ ഹൈക്കോടതി ഇന്ന് പരിഗണിക്കും.  നേരത്തെ എറണാകുളം പ്രിൻസിപ്പൽ സെഷൻസ് കോടതി ജാമ്യം തള്ളിയത് കൊണ്ടാണ് ശിവശങ്കർ (M.Shivashankar) ഹൈക്കോടതിയെ സമീപിച്ചിരിക്കുന്നത്.  

സ്വർണ്ണക്കടത്ത് കേസുമായി (Gold smuggling case) ബന്ധപ്പെട്ട വ്യാജ ഇടപാടിൽ പങ്കുണ്ടെന്നാരോപിച്ചാണ് ഇഡി കഴിഞ്ഞമാസം ശിവശങ്കറിനെ അറസ്റ്റു ചെയ്തത്.  സുപ്രീംകോടതിയിലെ (SC) അഭിഭാഷകനാണ് ശിവശങ്കറിന് വേണ്ടി ഹാജരാകുന്നതെന്നാണ് സൂചന.  തനിക്കെതിരെ യാതൊരു തെളിവുകളും ഇല്ലെന്നും  സ്വപ്നയുടെ (Swapna Suresh) മൊഴിയുടെ അടിസ്ഥാനത്തിലാണ് തന്നെ അറസ്റ്റ് ചെയ്തതെന്നുമാണ് ശിവശങ്കറിന്റെ വാദം. 

എന്നാൽ സ്വപ്നയുടെ ലോക്കറിൽ നിന്നും കണ്ടെത്തിയ പണം ശിവശങ്കറിന്റേത് കൂടിയാണെന്നാണ് എൻഫോഴ്സ്മെന്റ് (ED) പറയുന്നത്.  എന്തായാലും കേസിൽ ഹൈക്കോടതി (High Court) ഇന്ന് ജാമ്യം അനുവദിക്കുമോ ഇല്ലയോ എന്ന് കാത്തിരുന്ന് കാണാം.