തിരുവനന്തപുരം: ഹിന്ദു ഐക്യവേദി സംസ്ഥാന അദ്ധ്യക്ഷ കെ പി ശശികലയെ അറസ്റ്റ് ചെയ്തതില്‍ പ്രതിഷേധിച്ച് സംസ്ഥാനത്ത് ഇന്ന് ഹര്‍ത്താല്‍.
ശബരിമല കര്‍മ്മസമിതിയും ഹിന്ദു ഐക്യവേദിയുമാണ് ഹര്‍ത്താലിന് ആഹ്വാനം ചെയ്തത്.
രാവിലെ ആറു മുതല്‍ വൈകിട്ട് ആറ് വരെ ആഹ്വാനം ചെയ്തിരിക്കുന്ന ഹര്‍ത്താലിന് ബിജെപി പിന്തുണ പ്രഖ്യാപിച്ചിട്ടുണ്ട്. ഇന്നലെ രാത്രി ശബരിമല കയറുന്നതിനിടെയാണ് ശശികലയെ പൊലീസ് അറസ്റ്റ് ചെയ്തത്.
തിരിച്ചിറങ്ങണമെന്ന പൊലീസിന്‍റെ ആവശ്യം ശശികല നിരസിച്ചതിനെ തുടര്‍ന്ന് അഞ്ച് മണിക്കൂര്‍ ഇവരെ തടഞ്ഞു വെയ്ക്കുകയായിരുന്നു. തിരിച്ചു പോകാന്‍ തയാറാകാത്തതിനെ തുടര്‍ന്നാണ്‌ ശശികലയെ പൊലീസ് അറസ്റ്റ് ചെയ്തത്.
മരക്കൂട്ടത്ത് വെച്ച് അറസ്റ്റ് ചെയ്ത ശശികലയിപ്പോള്‍ റാന്നി പൊലീസ് സ്റ്റേഷനിലാണുള്ളത്. നടയടച്ചതിന് ശേഷം ആരെയും സന്നിധാനത്തേക്ക് കടത്തിവിടില്ലെന്ന് പൊലീസ് നേരത്തെ മുന്നറിയിപ്പ് നല്‍കിയിരുന്നു.
