Arjun: 'അർജുൻ സ്വന്തം അനിയനെ പോലെ, ഫണ്ട് പിരിച്ചിട്ടില്ല'; ആരോപണങ്ങൾ നിഷേധിച്ച് മനാഫ്

ഷിരൂരിലെ മണ്ണിടിച്ചിലിൽ മരണപ്പെട്ട അർജുന്റെ കുടുംബം ഉന്നയിച്ച ആരോപണങ്ങൾ നിഷേധിച്ച് മനാഫ്.അർജുൻ തന്റെ സ്വന്തം അനിയനെ പോലെയാണെന്നും തന്നെ ക്രൂശിക്കുന്നത് എന്തിനാണെന്ന് അറിയില്ലെന്നും മനാഫ് പറഞ്ഞു. തള്ളിപറഞ്ഞാലും അർജുന്റെ കുടുംബം സ്വന്തമെന്നും അർജുന്റെ പേരിൽ ഫണ്ട് പിരിവ് നടത്തിയിട്ടില്ലെന്നും മനാഫ് കൂട്ടിച്ചേർത്തു. 

യൂട്യൂബ് ചാനൽ തുടങ്ങിയതിൽ എന്താണ് തെറ്റെന്നും മനാഫ് ചോദിച്ചു. അർജുനെ കണ്ടെത്തുന്നതിന് വേണ്ടിയാണ് യൂട്യൂബ് ചാനൽ തുടങ്ങിയതെന്നും മനാഫ് പ്രതികരിച്ചു. തെറ്റ്  ചെയ്തെങ്കിൽ തന്നെ കല്ലെറിഞ്ഞോളൂ എന്നും മനാഫ് പറഞ്ഞു.

അതേസമയം വ്യാജ പ്രചരണങ്ങൾക്കെതിരെ മനാഫ്, ഈശ്വർ മാൽപെ എന്നിവർക്കെതിരെ പൊലീസ് കേസെടുത്തു.  മനാഫിനെതിരെ കുടുംബം ഉന്നയിച്ച ആരോപണങ്ങൾ ഉത്തരകന്നട എസ്പി എം. നാരായണ ശരിവച്ചു. ആദ്യഘട്ടം മുതലേ അന്വേഷണം വഴിതിരിച്ച് വിടാൻ മനാഫ് ശ്രമിച്ചതായും എസ്പി പറഞ്ഞു.