Manju Warrier: എം.ടിയുടെ വിയോഗത്തിൽ അനുശോചനമർപ്പിച്ച് മഞ്ജു വാര്യർ

MT Vasudevan Nair Death: ആധുനിക മലയാളത്തെ വിരല്‍ പിടിച്ചു നടത്തിയ എഴുത്തുകാരില്‍ പിതാവിന്റെ സ്ഥാനം തന്നെയാണ് എം.ടി സാറിന് എന്നുതന്നെ വിശ്വസിക്കുന്നുവെന്നാണ് മഞ്ജു വാര്യർ കുറിച്ചത്

കൊച്ചി: മലയാള സാഹിത്യത്തിന്റെ പെരുന്തച്ചൻ എംടി വാസുദേവൻ നായരുടെ വിയോഗത്തിൽ അനുശോചനമർപ്പിച്ച് മഞ്ജു വാര്യർ. തന്റെ ഫെയ്‌സ്ബുക്ക് പോസ്റ്റിലൂടെയാണ് താരം അനുശോചനം അറിയിച്ചിരിക്കുന്നത്. 

എംടി സമ്മാനിച്ച എഴുത്തോലയുടെ ഓർമ്മകൾ പങ്കുവെച്ചു കൊണ്ടാണ് മഞ്ജു താരം എംടിയെ അനുസ്മരിച്ചിരിക്കുന്നത്. ഒമ്പത് വര്‍ഷം മുമ്പ് തിരൂര്‍ തുഞ്ചന്‍പറമ്പില്‍ വിദ്യാരംഭം കലോത്സവം ഉദ്ഘാടനത്തിന് ചെന്നപ്പോഴായിരുന്നു എംടി താരത്തിന് ആ എഴുത്തോല സമ്മാനിച്ചത്. 

മഞ്ജുവാര്യരുടെ ഫെയ്‌സ്ബുക്ക് പോസ്റ്റിന്റെ പൂർണ്ണരൂപം ചുവടെ ചേർക്കുന്നു...

വിഖ്യാത സാഹിത്യകാരന്‍ എം ടി വാസുദേവന്‍ നായരുടെ വിയോഗം കേരളത്തിന് വലിയൊരു നഷ്ടം തന്നെയാണ്.  അദ്ദേഹത്തിൻറെ ആഗ്രഹപ്രകാരം പൊതു ദർശനം ഇല്ല.  പകരം വൈകുന്നേരം  നാലുവരെ കോഴിക്കോട് കൊട്ടാരം റോഡിലെ എംടിയുടെ വസതിയായ 'സിതാര' യില്‍ അന്തിമോപചാരം അര്‍പ്പിക്കാം. ശേഷം വൈകിട്ട് അഞ്ചിന് മാവൂര്‍ റോഡ് ശ്മശാനത്തിൽ ഔദ്യോഗിക ബഹുമതിയോടെ സംസ്‌കാരം നടക്കും. എംടിയോടുള്ള ആദരസൂചകമായി ഇന്നും നാളെയും സംസ്ഥാന സര്‍ക്കാര്‍ ഔദ്യോഗികമായി ദുഃഖാചരണം ആചരിക്കുകയാണ്. 

കോഴിക്കോട് ബേബി മെമ്മോറിയല്‍ ആശുപത്രിയില്‍ ചികിത്സയിലിരിക്കെ മരിച്ച എം ടിയുടെ വിയോഗ വാര്‍ത്തയറിഞ്ഞ് നിരവധി പേര്‍ ആശുപത്രി പരിസരത്തുതന്നെ എത്തിയിരുന്നു. ഹൃദയ സംബന്ധമായ രോഗത്തെ തുടർന്ന് പത്തു ദിവസമായി കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിലിരിക്കെയാണ് എംടിയുടെ വിയോഗം.

കഥാകൃത്ത്, നോവലിസ്റ്റ്, പത്രാധിപൻ, തിരക്കഥാകൃത്ത്, സംവിധായകന്‍, നിര്‍മ്മാതാവ്, ലേഖകന്‍, പ്രഭാഷകന്‍, നാടകകൃത്ത്, നടന്‍, സംവിധായകന്‍, നാടകപരിഭാഷകന്‍, ഗാനരചയിതാവ്, ബാലസാഹിത്യകാരന്‍, അധ്യാപകന്‍, സംഘാടകന്‍, ജ്ഞാനപീഠമടക്കമുള്ള പുരസ്‌കാരങ്ങളുടെ ജേതാവ് എന്നിങ്ങനെ ഇടപെട്ടയിടങ്ങളിലെല്ലാം തന്റെ കൈയൊപ്പ് പതിപ്പിച്ച ബഹുമുഖ പ്രതിഭയായിരുന്നു എം ടി വാസുദേവന്‍ നായര്‍.