തിരുവനന്തപുരം വിമാനത്താവളത്തിൽ നിന്ന് രണ്ട് ഭീകരരെ NIA പിടികൂടി

ബംഗളൂരു സ്ഫോടനക്കേസിലെ പ്രതിയാണ് മലയാളിയായ കണ്ണൂർ സ്വദേശി ഷുഹൈബ്. രണ്ടാമത്തെ ആളായ ഉത്തർപ്രദേശുകാരൻ മുഹമ്മദ് ഗുൽനവാസ് ഡൽഹി ഹവാലക്കേസിലെ പ്രതിയാണ്.

തിരുവനന്തപുരം:  തിരുവനന്തപുരം വിമാനത്താവളത്തിൽ നിന്നും രണ്ട് ഭീകരരെ NIA പിടികൂടി .  ഇതിൽ ഒരാൾ കണ്ണൂർ സ്വദേശിയും (Kannur native) മറ്റെയാൾ ഉത്തർപ്രദേശ് സ്വദേശി യാണ് (Uttar Pradesh).  ഇവരെ റിയാദിൽ നിന്നും ലുക്ക് ഔട്ട് നോട്ടീസ് നൽകി എത്തിച്ചതാണ്.  

ബംഗളൂരു സ്ഫോടനക്കേസിലെ പ്രതിയാണ് മലയാളിയായ കണ്ണൂർ സ്വദേശി (Kannur native) ഷുഹൈബ്.  രണ്ടാമത്തെ ആളായ ഉത്തർപ്രദേശുകാരൻ മുഹമ്മദ് ഗുൽനവാസ് ഡൽഹി ഹവാലക്കേസിലെ പ്രതിയാണ്.    

ഗുൽനവാസ് ലഷ്കർ ഇ തൊയ്ബ (Leshkar-e-toiba) പ്രവർത്തകനും ഷുഹൈബ് ഇന്ത്യൻ മുജാഹിദ്ദീൻ (Indian Mujahideen) പ്രവർത്തകനുമാണ്.  ഇവർ രണ്ടാളും വൈകുന്നേരത്തെ റിയാദ് വിമാനത്തിൽ എത്തിയവരാണ്.  ഇവരുടെ അറസ്റ്റ് രേഖപ്പെടുത്തുകയും രണ്ടു മണിക്കൂറോളം വിമാനത്താവളത്തിൽ വച്ചുതന്നെ NIA ചോദ്യം ചെയ്യുകയും ചെയ്തിരുന്നു.  

ചോദ്യം ചെയ്യലിൽ റോയുടെ (RAW) ഉദ്യോഗസ്ഥരും ഉണ്ടായിരുന്നുവെന്നാണ് സൂചന.  ഇവരെ കൊച്ചിവഴി ബംഗളൂരുവിലേക്കും ഡൽഹിയിലേക്കും കൊണ്ടുപോകുമെന്നാണ് റിപ്പോർട്ട്.  NIA വളരെക്കാലമായി അന്വേഷിച്ചുകൊണ്ടിരിക്കുന്ന കേസിലെ 2 പ്രധാന പ്രതികളാണ് ഇവർ.  അതുകൊണ്ടുതന്നെ വളരെ രഹസ്യമായിട്ടായിരുന്നു NIA നീങ്ങിയതും.