തിരുവനന്തപുരം: പടിഞ്ഞാറന് അറബിക്കടലില് രൂപപ്പെട്ട ന്യൂനമര്ദ്ദം 24 മണിക്കൂറിനുള്ളില് ശക്തി പ്രാപിക്കുമെന്ന് കാലാവസ്ഥാ നിരീക്ഷണ കേന്ദ്രം.
ഇതിനെ തുടര്ന്ന് നാല് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് ശക്തമായ മഴയ്ക്ക് സാധ്യതയെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
ഇന്ന് എറണാകുളം, ഇടുക്കി, മലപ്പുറം, കോഴിക്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. മണിക്കൂറില് 55 കിലോമീറ്റര് വരെ വേഗതയില് കാറ്റ് വീശാന് സാധ്യതയുള്ളതിനാല് മത്സ്യ തൊഴിലാളികള് കടലില് പോകരുതെന്നും ജാഗ്രതാ നിര്ദ്ദേശമുണ്ട്.
ന്യൂനമര്ദ്ദത്തിന്റെ സ്വാധീനം മൂലം പലയിടങ്ങളിലും കനത്ത മഴ ഉണ്ടാകുമെന്ന് റിപ്പോര്ട്ട് ഉണ്ട്. വരുന്ന നാല് ദിവസങ്ങളില് കൂടി സംസ്ഥാനത്തിന്റെ വിവിധ ഭാഗങ്ങളില് ശക്തമായ മഴക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
കടല് തീരങ്ങളിലേയ്ക്കുള്ള വിനോദയാത്ര പരമാവധി ഒഴിവാക്കണമെന്നും കടലില് ഇറങ്ങാന് പാടില്ലെന്നും നിര്ദ്ദേശമുണ്ട്.
Also read: കേരളത്തില് ശക്തമായ മഴയ്ക്ക് സാധ്യത; 6 ജില്ലകളില് യെല്ലോ അലര്ട്ട്