തിരുവനന്തപുരം: സംസ്ഥാനത്തെ എസ്‌എസ്‌എല്‍സി, പ്ലസ് ടു പരീക്ഷകള്‍ മാറ്റിയേക്കുമെന്ന് സൂചന.
സംസ്ഥാനത്ത് കോവിഡ് വ്യാപനം (Covid-19) തുടരുന്ന സാഹചര്യത്തിലും നിയമസഭാ തിരഞ്ഞെടുപ്പ് തീയതി പ്രഖ്യാപിച്ചതിനാലുമാണ് പരീക്ഷകള്‍ മാറ്റിവയ്ക്കാന്‍ ആലോചിക്കുന്നത് എന്നാണ് സൂചന.
എസ്‌എസ്‌എല്‍സി (SSLC) , പ്ലസ് ടു പരീക്ഷകള്‍ തിരഞ്ഞെടുപ്പിന് ശേഷം ഏപ്രിലില്‍ നടത്താനുള്ള നിര്‍ദ്ദേശവുമായി പ്രധാന അദ്ധ്യാപക സംഘടനയായ സ്റ്റേറ്റ് സ്കൂള് ടീച്ചേഴ്സ് അസോസിസിയേഷന്‍ (കെ എസ് ടി എ ) സര്‍ക്കാരിന് കത്ത് നല്കി.
അദ്ധ്യാപകര്‍ക്ക് തിരഞ്ഞെടുപ്പ് ചുമതലകള്‍ക്കൂടിയുള്ളതിനാല്‍ വിദ്യാര്ഥികള്‍ക്ക് പരീക്ഷയ്ക്ക് പഠന സഹായ പിന്തുണ നല്കുന്നതിന് പരിമിതികളുണ്ടെന്നും ഇതുകൂടി പരിഗണിച്ചാണ് തിരഞ്ഞെടുപ്പിന് ശേഷം പരീക്ഷ നടത്തണമെന്ന ആവശ്യമുന്നയിച്ചതെന്ന് കെ എസ് ടി എ ജനറല്‍സെക്രട്ടറി എന്‍ ടി ശിവരാജന്‍ പറഞ്ഞു.
എന്നാല്‍, ഈ വർഷത്ത എസ്എസ്എൽസി പരീക്ഷാക്രമത്തില്‍ സര്‍ക്കാര്‍ മാറ്റങ്ങള്‍ വരുത്തിയില്ല എങ്കില്‍ മുന്‍ തീരുമാനമനുസരിച്ച് മാർച്ച് 17ന് പരീക്ഷകൾ ആരംഭിക്കും. ഉച്ചയ്ക്ക് 1.40 മുതലാണ് പരീക്ഷ ആരംഭിക്കുന്നത്. മാര്‍ച്ച്‌ 1 മുതലാണ് മോഡല്‍ പരീക്ഷ ആരംഭിച്ചിരിക്കുന്നത്.
അതേസമയം, ഇന്ധനവില വര്‍ദ്ധനയില്‍ പ്രതിഷേധിച്ച് മാര്‍ച്ച്‌ 2ന് സംയുക്ത മോട്ടോർ വാഹനപണിമുടക്ക് ആഹ്വാനം ചെയ്തിരിയ്ക്കുന്ന സാഹചര്യത്തില്‍ നാളെ നടക്കാനിരുന്ന SSLC, Higher Secondary മോഡല്‍ പരീക്ഷകള്‍ മാറ്റിവെച്ചു.
Also read: Fuel Price Hike : നാളെ മോട്ടോർ വാഹന പണിമുടക്ക്; സംസ്ഥാനത്ത് പരീക്ഷകളെല്ലാം മാറ്റിവെച്ചു
നാളെ നടക്കാനിരുന്ന SSLC, ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകള്‍ മാർച്ച് 8ന് നടക്കും. മാർച്ച് 8ന് രാവിലെ 9.40 മുതൽ 12.30വരെ എസ്എസ്എൽസി വിഭാഗത്തിൽ ഇംഗ്ലീഷ് പരീക്ഷയും ഉച്ചക്ക് 1.40 മുതൽ 3.30വരെ ഹിന്ദി / ജനറൽ നോളജ് പരീക്ഷയും നടക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
