Kerala Weather Updates: തുലാവർഷമെത്തുന്നു! സംസ്ഥാനത്ത് നാളെ മുതൽ ശക്തമായ മഴ, ഓറഞ്ച് അലർട്ട് ഈ ജില്ലകളിൽ

തിരുവനന്തപുരം: സംസ്ഥാനത്ത് തുലാവർഷത്തിന് തുടക്കമാകുന്നു. നാളെ വിവിധ ജില്ലകളിൽ കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് നൽകിയിരിക്കുന്ന മുന്നറിയിപ്പ്. ഇതിന്റെ ഭാഗമായി നാല് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് ഓറഞ്ച് അലർട്ടുള്ളത്. കാസർകോട്, കണ്ണൂർ ഒഴികെ എട്ട് ജില്ലകളിൽ യെല്ലോ അലർട്ടാണ് പ്രഖ്യാപിച്ചിരിക്കുന്നത്. മറ്റന്നാൾ വടക്കൻ കേരളത്തിലും മഴ കനക്കുമെന്നാണ് മുന്നറിയിപ്പ്. പെട്ടെന്നുളള ഇടിമിന്നലോട് കൂടിയ മഴയ്ക്കും കാറ്റിനും സാധ്യതയുണ്ട്. Updating…

CMRL-എക്‌സാലോജിക് കേസ്: അന്വേഷണത്തിന് രണ്ട് എസ്‌ഐടികള്‍ രൂപീകരിച്ച് വിജിലൻസ്

തിരുവനന്തപുരം: സിഎംആർഎൽ എക്സാലോജിക് സാമ്പത്തിക ഇടപാട് കേസ് അന്വേഷണത്തിന് പ്രത്യേക സംഘത്തെ വിജിലൻസ് രൂപീകരിച്ചു. അന്വേഷണത്തിനായി രണ്ട് എസ്‌ഐടി സംഘങ്ങളെയാണ് രൂപീകരിച്ചിരിക്കുന്നത്. പ്രതിപക്ഷനേതാവ് പിണറായി വിജയൻ പ്രതിയായ കേസ് എസ്പി ഇ എൽ സുരേഷിന്റെ നേതൃത്തിലുള്ള സംഘവും മുഹമ്മദ് റിയാസ് പ്രതിയായ കേസിന്റെ അന്വേഷണം ബാലകൃഷ്ണന്റെ നേതൃത്വത്തിലുമായിരിക്കും നടക്കുന്നത്. ആദ്യ കേസ് വിജിലൻസ് സ്പെഷ്യൽ വിഭാഗവും രണ്ടാമത്തെ കേസ് കോഴിക്കോട് സ്പെഷ്യൽ വിജിലൻസ് സെല്ലുമാകും അന്വേഷിക്കുക. അന്വേഷണം വിജിലൻസ് ഐജിയുടെ മൽനോട്ടത്തിലായിരിക്കും. കേസിൽ ഹൈക്കോടതി സിംഗിൾ ബെഞ്ചിന്റെ ഉത്തരവിന് പിന്നാലെയായിരുന്നു എഫ്‌ഐആർ വിജിലൻസ് രജിസ്റ്റർ ചെയ്തത്. സിഎംആർഎൽ ഇടപാടിന്റെ ആദ്യ കേസിൽ പിണറായിയും മകളുമാണ് ഒന്നും രണ്ടും പ്രതികൾ. രണ്ടാമത്തെ കേസ് റിയാസ് മന്ത്രിയായിരിക്കെ പണം വിദേശത്തേക്ക് കടത്തിയതാണ്. ഇതിൽ റിയാസും വീണയുമാണ് ഒന്നും രണ്ടും പ്രതികൾ. വിജിലൻസിന്റെ എഐആറിൽ പിണറായി വിജയനെതിരെ കടുത്ത ആരോപണങ്ങളാണ് രേഖപ്പെടുത്തിയിരിക്കുന്നത്. പിണറായി കുറ്റകരമായ ഗൂഢാലോചന നടത്തിയെന്നും വ്യക്തി താൽപര്യങ്ങൾക്കായി ഔദ്യോഗിക പദൈവ ദുരുപയോഗം ചെയ്തതുവെന്നും എഫ്ഐആറിലുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Guruvayur Jobs: ഗുരുവായൂരിൽ സോപാനം വാച്ച്മാൻ, ലേഡി സെക്യൂരിറ്റി തസ്തികയിൽ ഒഴിവുകൾ

Job Vacancies In Guruvayur: ഗുരുവായൂരിൽ ജോലി നേടാൻ ആഗ്രഹമുണ്ടോ? എന്നാലിതാ വിവിധ തസ്തികകളിൽ ഒഴിവുകൾ ഇറങ്ങിയിട്ടുണ്ട്. സോപാനം വാച്ച്മാൻ, ലേഡി സെക്യൂരിറ്റി ഗാർഡ് എന്നീ തസ്തികയിലേക്കാണ് നിയമനം നടത്തുന്നത്. ഈ തസ്തികകളിൽ ആകെ 30 ഒഴിവുകളുണ്ട്. അപേക്ഷിക്കാൻ വണ്ടിയുള്ള യോഗ്യത ഏഴാം ക്ലാസ് പാസായിരിക്കണം. ഒക്ടോബർ 30 ആണ് അപേക്ഷകൾ സമർപ്പിക്കേണ്ട അവസാന തീയതി. തസ്തികയും ഒഴിവുകളും അറിയാം സോപാനം വാച്ച്മാൻ: ഈ തസ്തികയിലേക്ക് മൊത്തം 15 ഒഴിവുകൾ ആണുള്ളത്. 18000 രൂപയാണ് ശമ്പളം പ്രായപരിധി 30 നും 50 നും ഇടയിലായിരിക്കണം. യോഗ്യത ഏഴാം ക്ലാസ് പാസായിരിക്കണം. ശാരീരിക വൈകല്യങ്ങൾ ഇല്ലാത്തത പുരുഷനായിരിക്കണം ഒപ്പം നല്ല കാഴ്ച ശക്തിയും. നിലവിൽ സോപാനം കാവൽക്കാരായി ജോലി ചെയ്യുന്നവർ അപേക്ഷിക്കാൻ പാടില്ല ലേഡി സെക്യൂരിറ്റി ഗാർഡ് ഈ പോസ്റ്റിലേക്ക് മൊത്തം 15 ഒഴിവുകളുണ്ട്. ശമ്പളം പ്രതിമാസം 18000 രൂപയാണ്. പ്രായപരിധി 55 നും 60 നും ഇടയിലായിരിക്കണം. യോഗ്യത പറഞ്ഞിരിക്കുനന്ത് ഏഴാം ക്ലാസ് പാസായിരിക്കണം. ഇവർക്കും ശാരീരിക വൈകല്യങ്ങൾ പാടില്ല അഞ്ചുപോലെ നല്ല കാഴ്ചശക്തി വേണം നിലവിൽ ഇതേ പോസ്റ്റിൽ ജോലി ചെയ്യുനണവർ അപേക്ഷിക്കാൻ അർഹരല്ല. അപേക്ഷാ ഫോം ഒക്ടോബർ 9 മുതൽ 24 വൈകുന്നേരം 5 മണിവരെ ഗുരുവായൂർ ദേവസ്വം ഓഫീസിൽ നിന്നും ലഭിക്കും. 118 രൂപയാണ് അപേക്ഷാ ഫീസ്. പട്ടികജാതി/പട്ടികവർഗ്ഗ വിബഹ്‌ഗത്തിന് ജാതി തെളിയിക്കുന്ന രേഖ ഹാജരാക്കിയാൽ ഫോം സൗജന്യമാണ്. ഈ ഫോം തപാൽ മാർഗം ലഭിക്കുന്നതല്ല. അപേക്ഷകർ അസിസ്റ്റൻറ് സർജനിൽ കുറയാത്ത ഗവണ്മെന്റ് ഡോക്‌ടറുടെ കയ്യിൽ നിന്നും ഒറിജിനൽ മെഡിക്കൽ ഫിറ്റ്നസ് സർട്ടിഫിക്കട്ടും സമർപ്പിക്കണം. അപേക്ഷ ഒക്ടോബർ 30 വൈകുന്നേരം 5 മണിക്ക് മുൻപ് ടെഫ്‌വസ്വം ഓഫീസിലോ അല്ലങ്കിൽ തപാൽ വഴിയോ എത്തിക്കണം. അയക്കേണ്ട മേൽവിലാസം ഇതാണ്.. അഡ്മിനിസ്ട്രേറ്റർ, ഗുരുവായൂർ ദേവസ്വം, ഗുരുവായൂർ-680101 ഫോൺ നമ്പർ: 0487-2556335 ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Woman Found Dead: തൃശൂരിൽ വയോധിക കൊല്ലപ്പെട്ട നിലയിൽ; 16 പവൻ സ്വർണം കാണാനില്ല, അന്വേഷണം ഊർജ്ജിതമാക്കി പോലീസ്

തൃശൂർ: തൃശൂരിൽ കാറളത്ത് വയോധികയെ വീടിനുള്ളിൽ മരിച്ച നിലയിൽ കണ്ടെത്തിയ സംഭവം കൊലപാതകമാണെന്ന് പോലീസിൻറെ പ്രാഥമിക നിഗമനം. അരുമ്പിള്ളി സ്വദേശിയായ സാവിത്രിയാണ് കൊല്ലപ്പെട്ടത്. ഇവരുടെ കൈവശം ഉണ്ടായിരുന്ന അഞ്ച് സ്വർണവളകൾ, അഞ്ച് പവൻ തൂക്കമുള്ള മാല, മോതിരം എന്നിവ നഷ്ടപ്പെട്ടിട്ടുണ്ട്. സാവിത്രിയുടെ കഴുത്തിലും കൈകളിലും ബലപ്രയോഗം നടന്നതിൻറെ പാടുകൾ കണ്ടെത്തിയിട്ടുണ്ട്. സംഭവസമയം, ഇവർ വീട്ടിൽ ഒറ്റയ്ക്കായിരുന്നു. സ്കൂൾ വിട്ട് തിരിച്ചെത്തിയ പേരക്കുട്ടിയാണ് മുത്തശ്ശിയെ മരിച്ച നിലയിൽ ആദ്യം കണ്ടത്. വിവരം അറിഞ്ഞയുടൻ ഡോഗ് സ്ക്വാഡും ഫോറൻസിക് വിദഗ്ധരും സ്ഥലത്തെത്തി പരിശോധനകൾ നടത്തി. കൂടാതെ, വീടിനുള്ളിൽ മുളകുപൊടി വിതറിയ നിലയിലും കണ്ടെത്തിയിട്ടുണ്ട്. സംഭവവുമായി ബന്ധപ്പെട്ട് പോലീസ് അന്വേഷണം ഊർജ്ജിതമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Kerala Gold Rate Today: കൂപ്പുകുത്തി സ്വർണ്ണവില; ഇന്ന് ഇടിഞ്ഞത് 760 രൂപ!

Kochi Arson case: എറണാകുളം സിനഗോഗിന് നേരെയുണ്ടായ അക്രമം: പ്രതി പിടിയിൽ; വീട്ടിൽ വൻ മയക്കുമരുന്ന് ശേഖരം!

കൊച്ചി: എറണാകുളം മാർക്കറ്റിലെ പ്രസിദ്ധമായ യഹൂദ പള്ളിക്ക് നേരെയുണ്ടായ തീവെപ്പ് സംഭവത്തിൽ പ്രതി അറസ്റ്റിൽ. സംഭവത്തിൽ പൊലീസ് തീവ്രവാദബന്ധം സംശയിക്കുന്നുണ്ട്. പ്രതിയായ എബിൻ ബി പോളിന്റെ വീട്ടിൽ നടത്തിയ പരിശോധനയിൽ വൻ മയക്കുമരുന്ന ശേഖരം പിടികൂടിയതായിട്ടാണ് പറയുന്നത്. എട്ട് ഇന്രങ്ങളിലായി 105.703 ഗ്രാം ലഹരി വസ്തുക്കളാണ് പിടിച്ചെടുത്തത്. ഇതിൽ ഹെറോയിൻ,ബ്രൗൺ ഹെറോയിൻ, ഓക്‌സികോഡോൺ, ഫെന്റനൈല്‍, ആൽപ്രാസലാം, കെറ്റമിൻ, കെ-റോക്ക് എന്നിവയുൾപ്പെടുന്നു. തുടർന്ന് ഇയാൾക്കെതിരെ സിംഗോഗ് ആക്രമണത്തിൽ എറണാകുളം സെൻട്രൽ പോലീസും ലഹരിമരുന്ന് പിടികൂടിയതിൽ പുത്തൻകുരിശ് പോലീസും കേസെടുത്തിട്ടുണ്ട്. ഇയാളെ കേന്ദ്ര ഏജൻസികൾ അടക്കം ചോദ്യം ചെയ്തുവെന്നാണ് റിപ്പോർട്ട്. എറണാകുളം മാർക്കറ്റിനുള്ളിലെ സിനഗോഗിന് മുൻവശത്ത് തീവയ്പുണ്ടായത് ഞായറാഴ്ച പുലർച്ചെ രണ്ടരയോടെയാണ്. സിനഗോഗിന്റെ മാനേജിങ് ട്രസ്റ്റി പരിപാലിക്കുന്ന ഹോർട്ടികൾച്ചർ നഴ്‌സറിയുടെ ബാനറുകളും ഫ്ലെക്സുകളും പെട്രോളൊഴിച്ചു തീവയ്ക്കുകയായിരുന്നു. പ്രതിയായ എബിൻ സംഭവ സ്ഥലത്ത് കാറിലെത്തുകയും വാഹനം മാറ്റിയിട്ട് പള്ളിക്ക് മുന്നിലെ നഴ്‌സറിയിലേക്ക് പെട്രോൾ ഒഴിക്കുകയും തുടർന്ന് തീ എറിഞ്ഞ് നഴ്‌സറി കത്തിക്കുകയുമായിരുന്നു എന്നാണ് റിപ്പോർട്ട്. പശ്ചിമേഷ്യൻ സംഘർഷങ്ങളുടെ പശ്ചാത്തലത്തിൽ സിനഗോഗിന് പോലീസ് സംരക്ഷണം ഏർപ്പെടുത്തിയിരുന്നുവെങ്കിലും തീ കത്തിക്കുന്നത് അവർ കണ്ടിരുന്നില്ല. രാവിലെ ആയിരുന്നു ഇവരുടെ ശ്രദ്ധയിൽ പെട്ടത്. തുടർന്ന് പോലീസ് സിസിടിവി പരിശോധിച്ചതിൽ നിന്നുമാണ് കാറിന്റെ നമ്പർ കണ്ടെത്തിയത്. പ്രതിക്ക് തീവ്രവാദ ഗ്രൂപ്പുമായി ബന്ധമുണ്ടെന്ന് പോലീസിന് വിവരം ലഭിച്ചതായും സൂചനയുണ്ട്. ഇത് സംബന്ധിച്ച തെളിവുകൾ ഇയാളുടെ മൊബൈലിൽ നിന്നും പൊലീസിന് ലഭിച്ചതായിട്ടാണ് റിപ്പോർട്ട്. ഇത് വ്യക്തമാക്കുന്ന ചില രേഖകൾ അന്വേഷണ സംഘം ഇയാളുടെ വീട്ടിൽ നടത്തിയ പരിശോധനയിലും കണ്ടെത്തിയിട്ടുള്ളതായി സൂചനയുണ്ട്. ഇയാൾ പോലീസിനോട് പറഞ്ഞത് ബോസ് എന്നയാൾ നൽകുന്ന ദൗത്യങ്ങൾ ഞാൻ നിർവഹിക്കുന്നു എന്നാണ്. എന്നാൽ ബോസിന്റെ പേര് വ്യക്തമല്ല. മാത്രമല്ല ഈ 'ബോസ്' ഡൽഹി, ഉത്തർപ്രദേശ്, അമൃത്സർ എന്നിവിടങ്ങളിൽ സ്ഫോടനം നടത്തണമെന്ന് സന്ദേശം അയച്ചതായും പോലീസ് കണ്ടെത്തിയിട്ടുണ്ട്. ബോസ് പറഞ്ഞിരിക്കുന്ന കുറ്റകൃത്യങ്ങൾ ചെയ്യുന്നതിന്റെ വീഡിയോ ഇയാൾ പകർത്തി അയച്ചുകൊടുക്കുകയും ഇതിന്റെ പ്രതിഫലം ക്രിപ്റ്റോകറന്സിയായി കൈപറ്റിയിരുന്നു എന്നുമാണ് പോലീസ് പറയുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Vadakara MDMA Case: വടകര എംഡിഎംഎ കേസിലെ മുഖ്യപ്രതി പിടിയിൽ

കോഴിക്കോട്: വടകരയിൽ അധ്യാപികമാർ ഉൾപ്പെട്ട എംഡിഎംഎ കേസിലെ മുഖ്യപ്രതി അറസ്റ്റിൽ. അറസ്റ്റിലായത് പ്രേരമ്പര സ്വദേശി ഫിറോസ് ആണ്. പോലീസ് പറയുന്നതനുസരിച്ച് ഫിറോസാണ് മലബാറിലെ എംഡിഎംഎ മൊത്തവിതരണക്കാരൻ എന്നാണ്. ഇയാളാണ് ഈ ഇടപാടിൽ അധ്യാപികമാരെ ഉൾപ്പെടുത്തിയതും സാമ്പത്തിക ഇടപാട് നിയന്ത്രിച്ചതും. ഫിറോസ് കഴിഞ്ഞ ദിവസം അറസ്റ്റിലായ അനസിന്റെ പ്രധാന കൂട്ടാളിയും എംഡിഎംഎ കേസിൽ കർണാടക ജയിലിൽ കഴിയുന്ന അജ്മലിന്റെ അടുത്ത സുഹൃത്തുമാണ്. ഇത് കൂടാതെ ഈ കേസിൽ നേരത്തെ അറസ്റ്റിലായ വയനാട് സ്വദേശി ഷിന്റോയുമായി നേരിട്ട് ഇടപാട് നടത്തിയതും ഫിറോസാണ്. ഫിറോസിനെ നേരത്തെയും എംഡിഎംഎ കേസിൽ എക്സൈസ് പിടികൂടിയിട്ടുണ്ട്. കേസിൽ ജയിലിലായ ഫിറോസ് ജാമ്യത്തിൽ ഇറങ്ങിയിട്ടും ഇതേ പണി തുടരുകയായിരുന്നു. ഇയാൾ വീണ്ടും ലഹരി വിൽപന നടത്തുന്നുണ്ട് എന്ന വിവരത്തിന്റെ അടിസ്ഥാനത്തിലാണ് പോലീസ് ഇയാളെ പിടികൂടിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.