Crime news: യുവതിയെ പിന്തുടർന്ന് ആക്രമിച്ചു; പ്രതിയെ പിടികൂടി പോലീസിൽ ഏൽപ്പിച്ച് നാട്ടുകാർ

Young woman attacked in Thiruvananthapuram: സൂപ്പർ മാർക്കറ്റിലെ ജോലി കഴിഞ്ഞ് വീട്ടിലേക്ക് പോകുമ്പോഴാണ് യുവതിയെ പ്രതി ആക്രമിച്ചത്.

തിരുവനന്തപുരം: യുവതിയെ രാത്രിയിൽ പിന്തുടർന്ന് ആക്രമിച്ച സംഭവത്തിൽ കല്ലിയൂർ കാക്കാമൂല സ്വദേശി മണിക്കുട്ടനെ (48) വെഞ്ഞാറമൂട് പോലീസ് അറസ്റ്റ് ചെയ്തു. ശനിയാഴ്ച രാത്രി വേളാവൂരിന് സമീപത്താണ് സംഭവമുണ്ടായത്. 

സൂപ്പർ മാർക്കറ്റിലെ ജോലി കഴിഞ്ഞ് വീട്ടിലേക്ക് പോകുമ്പോഴാണ് യുവതി ആക്രമിക്കപ്പെടുന്നത്. കടയിൽ നിന്നും വീട്ടിലേക്ക് നടന്ന യുവതിയുടെ പിന്നാലെ എത്തി കമ്പി പോലത്തെ വസ്തു ഉപയോഗിച്ച് കുത്തുകയായിരുന്നുവെന്ന് പൊലീസ് പറഞ്ഞു. 

ആക്രമണത്തിനു ശേഷം രക്ഷപ്പെടാൻ ശ്രമിച്ച പ്രതിയെ നാട്ടുകാർ പിടികൂടി പോലീസിൽ ഏൽപ്പിക്കുകയായിരുന്നു. നിസാര പരിക്കേറ്റ യുവതി ചികിത്സയിലാണ്. പ്രതിയെ കോടതിയിൽ ഹാജരാക്കി.