Honey Rose: ഹണി റോസിന് ലൈഫ് പാർട്ണറെ വേണം, പക്ഷേ വിവാഹത്തിന് താത്പ്പര്യമില്ല!; കാരണം ഇതാണ്

Honey Rose about marriage: പ്രണയിക്കണം എന്ന് ആഗ്രഹമുണ്ടായിരുന്നെങ്കിലും ഇതുവരെ തനിയ്ക്ക് അതിനുള്ള ഭാഗ്യമുണ്ടായില്ലെന്ന് ഹണി റോസ് പറഞ്ഞു.

വളരെ ചുരുങ്ങിയ കാലം കൊണ്ട് മലയാളി സിനിമാസ്വാദകരുടെ മനം കവർന്ന നടിയാണ് ഹണി റോസ്. ബോയ് ഫ്രണ്ട് എന്ന ചിത്രത്തിലൂടെയാണ് ഹണി റോസ് സിനിമയിൽ അരങ്ങേറ്റം കുറിച്ചത്. പിന്നീട് ട്രിവാൻഡ്രം ലോഡ്ജ് എന്ന ചിത്രത്തിലെ ഹണിയുടെ പ്രകടനം ശ്രദ്ധിക്കപ്പെട്ടു. ഹണി റോസിൻറെ കരിയറിൽ വഴിത്തിരിവായതും ഈ ചിത്രം തന്നെയാണ്.

ഇപ്പോൾ ഇതാ വിവാഹത്തെ കുറിച്ചും ജീവിത പങ്കാളിയെ കുറിച്ചുമെല്ലാം മനസ് തുറന്നിരിക്കുകയാണ് ഹണി റോസ്.  ജീവിതത്തിൽ ഒരിക്കലെങ്കിലും പ്രണയിക്കണം എന്ന് ആഗ്രഹമുണ്ടായിരുന്നുവെന്നും എന്നാൽ ഇതുവരെ തനിയ്ക്ക് അതിനുള്ള ഭാഗ്യം ലഭിച്ചില്ലെന്നുമാണ് ഹണി റോസ് പറയുന്നത്. എന്നാൽ, വിവാഹം കഴിക്കണമെന്ന് ആഗ്രഹമില്ല. കുട്ടിക്കാലം മുതൽ തന്നെ തനിയ്ക്ക് വിവാഹത്തിനോട് താത്പ്പര്യമില്ലെന്നും താരം കൂട്ടിച്ചേർത്തു. 

ചെറുപ്പത്തിൽ ചിലരോടൊക്കെ ഇഷ്ടം തോന്നിയിട്ടുണ്ടെന്ന് ഹണി റോസ് തുറന്നുപറഞ്ഞു. ആരോടും അങ്ങോട്ട് ഇഷ്ടം തോന്നിയിട്ടില്ല. ഇങ്ങോട്ട് ഇഷ്ടം പറഞ്ഞ ചിലരോടൊക്കെ ഇഷ്ടം തോന്നിയിട്ടുണ്ട്. ആദ്യമൊക്കെ ഐ ലവ് യു എന്ന് കേൾക്കുമ്പോൾ ദേഷ്യം വരുമായിരുന്നു. പിന്നീട് ചിലരോയൊക്കെയുള്ള ദേഷ്യം മാറും. കല്യാണവും അതിൻറെ ബഹളങ്ങളുമൊന്നും ഇഷ്ടമല്ലാത്തതിനാലാണ് ആ കാര്യത്തെ കുറിച്ച് ചിന്തിക്കാത്തതെന്നും ആളുകൾ ആർഭാടം കാണിക്കാൻ വേണ്ടിയാണ് വിവാഹം നടത്തുന്നതെന്ന് തോന്നാറുണ്ടെന്നും ഹണി റോസ് വ്യക്തമാക്കി. 

സ്വന്തം കല്യാണത്തെ കുറിച്ച് മാത്രമല്ല, മറ്റുള്ളവരുടെ കല്യാണത്തിന് പോകുന്നതിനോടും താത്പ്പര്യമില്ലെന്ന് ഹണി റോസ് പറഞ്ഞു. കല്യാണം ആസ്വദിക്കുന്നവരെ ഇന്നു വരെ കണ്ടിട്ടില്ല. തിക്കും തിരക്കും ബഹളുവും മാത്രം. അങ്ങനെയുള്ള തിരക്കുകൾക്കിടയിൽ നിൽക്കുന്ന കുറേ നേരമാണ് കല്യാണം. ഒരു പാർട്ണറെ വേണമെന്നും എന്നാൽ അത് വിവാഹത്തിലൂടെ വേണമെന്ന് ആഗ്രഹിക്കുന്നില്ലെന്നും ഹണി റോസ് കൂട്ടിച്ചേർത്തു. 

സൌന്ദര്യം കൊണ്ടും അഭിനയ മികവ് കൊണ്ടും യുവനടിമാരിൽ ശ്രദ്ധേയയാണ് ഹണി റോസ്. മമ്മൂട്ടി, മോഹൻലാൽ തുടങ്ങിയ സൂപ്പർ താരങ്ങൾക്കൊപ്പം അഭിനയിച്ചിട്ടുള്ള ഹണി റോസ് ഇന്ന് തെന്നിന്ത്യൻ സിനിമകളിലെ തിരക്കുപിടിച്ച നടിയായി മാറിക്കഴിഞ്ഞു. നന്ദമുരി ബാലകൃഷ്ണ നായകനായ ‘വീര സിംഹ റെഡ്‌ഡി’ എന്ന ചിത്രത്തിലൂടെ ഹണി റോസ് തെലുങ്കിലും അരങ്ങേറ്റം കുറിച്ചു കഴിഞ്ഞു. 

ഉദ്ഘാടന വേദികളിലെ സ്ഥിരം സാന്നിധ്യം കൂടിയാണ് ഹണി.  ഹണി റോസിൻറെ ഉദ്ഘാടന ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാണ്. ഇതിൻറെ പേരിൽ താരം പലപ്പോഴും ട്രോളുകളിലും നിറയാറുണ്ട്. വസ്ത്രധാരണത്തിൻറെ പേരിൽ സൈബർ ആക്രമണങ്ങൾ നേരിടാറുള്ള താരം പലപ്പോഴും ബോഡി ഷെയിമിംഗിനും ഇരയായിട്ടുണ്ട്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy