Hyderabad : അയ്യപ്പനും കോശിയും (Ayyapanum Koshiyum) ചിത്രത്തിന്റെ തെലുഗു റിമേക്ക് ഭീംല നായക്കിന്റെ (Bheemla Nayak) ടൈറ്റിൽ സോങ് പുറത്തിറങ്ങി. ടൈറ്റിൽ കഥപാത്രമായ ഭീംലനായക്കിനെ അവതരിപ്പിക്കുന്ന പവൻ കല്യാണിന്റെ (Pawan Kalyan) പിറന്നാളിനോട് അനുബന്ധിച്ചാണ് ടൈറ്റിൽ സോങ് പുറത്തിറക്കിയത്.
അഞ്ച് മിനിറ്റിൽ അധികം ദൈർഘ്യമുള്ള ഗാനം എസ് തമനാണ് സംഗീതം നൽകിയിരിക്കുന്നത്. തമനോടൊപ്പം ശ്രീകൃഷ്ണ പൃധ്വി ചന്ദ്ര, റാം മിരിയാല എന്നിവാരാണ് ഗാനം ആലപിച്ചിരിക്കുന്നത്.
ചിത്രം ജനുവരി 22ന് തിയറ്ററിൽ റിലീസ് ചെയ്യാനാണ് അണിയറ പ്രവർത്തകർ തയ്യറെടുക്കുന്നത്. കഴിഞ്ഞ ആഴ്ചയിൽ ചിത്രത്തിന്റെ രണ്ട് ഗ്ലിമ്പ്സ് വീഡിയോ പുറത്ത് വിട്ടിരുന്നു.
ALSO READ : പേടിക്കണ്ട താലിബാൻ തീവ്രവാദി അല്ല, അയ്യപ്പനും കോശിയും Telugu Remake ഭീംലനായകിൻ്റെ Glimpse Video ആണ്
തെലുഗു പവർ സ്റ്റാർ പവൻ കല്യാൺ ടൈറ്റിൽ കഥാപാത്രമായി എത്തുന്ന ചിത്രത്തിന്റെ ഫസ്റ്റ് ലുക്ക് ആഗസ്ത് 16 ന് പുറത്ത് വിട്ടിരുന്നു. മലയാളത്തിൽ ബിജു മേനോൻ അവതരിപ്പിച്ച അയ്യപ്പൻ നായർ എന്ന പൊലീസ് കഥാപത്രത്തെ ഭീംല നായക്ക് എന്ന പേരിൽ പവൻ കല്യാൺ അവതരിപ്പിക്കുന്നത്.
റാണാ ധഗുബട്ടിയാണ് പൃഥ്വിരാജ് അവതരിപ്പച്ച കോശി എന്ന കഥപാത്രത്തെ തെലുഗിൽ വേഷമിടുന്നത്. നിത്യ മേനൻ മറ്റ് പ്രധാന കഥാപാത്രമായി വേഷമിടുന്നുണ്ട്.
ALSO READ : സച്ചിയുടെ സ്വപ്നം പോലെ... തമിഴില്‍ അയ്യപ്പനും കോശിയുമാകാന്‍ കാര്‍ത്തിയും പാര്‍ഥിപനും
ഹോട്ടലിൽ വെച്ച് അയ്യപ്പൻ ഗുണ്ടകളെ തല്ലുന്ന സീനിന്റെ തെലുഗു പതിപ്പാണ് ഫസ്റ്റ് ലുക്ക് വീഡിയോയിൽ അവതരിപ്പിച്ചിരിക്കുന്നത്. മുണ്ട് മടക്കി കുത്തി അൽപം തെലുഗു സിനിമ മാസും ചേർത്താണ് സീൻ അവതരിപ്പിച്ചിരിക്കുന്നത്. ഹരിഷ് ശങ്കറാണ് ചിത്രം സംവിധാനം ചെയ്തിരിക്കുന്നത്. പിഡിവി പ്രസാദും സിത്താര എന്റടെയ്ൻമെന്റ്സും ചേർന്നാണ് ചിത്രം നിർമിച്ചരിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
