കൊച്ചി : വാഹനപകടത്തിൽ ഗുരുതരമായി പരിക്കേറ്റ മിമിക്ര കലാകാരനും ഡബ്ബിങ് ആർട്ടിസ്റ്റുമായ മഹേഷ് കുഞ്ഞിമോൻ സന്ദർശിച്ച് നടനും പത്തനാപുരം എംഎൽഎയുമായി കെ ബി ഗണേഷ് കുമാർ. തൃശൂർ കയ്പമംഗലത്ത് നടൻ കൊല്ലം സുധി മരണപ്പെട്ട വാഹനപകടത്തിൽ പെട്ടാണ് മഹേഷ് കുഞ്ഞിമോനും പരിക്കേൽക്കുന്നത്. ദിവസങ്ങളോളം നീണ്ട് നിന്ന് ചികിത്സയ്ക്ക് ശേഷം കഴിഞ്ഞ ദിവസമാണ് മഹേഷ് ആശുപത്രി വിട്ടത്. ഇതിന് പിന്നാലെയാണ് ഗണേഷ് കുമാർ സാഹയ വാഗ്ദാനവുമായി മഹേഷിന്റെ വീട് സന്ദർശിച്ചത്.
"മഹേഷിന് ഒന്നിനും വിഷമിക്കേണ്ട, സർക്കാരിന്റെ ഭാഗത്ത് നിന്നിം എന്റെ ഭാഗത്ത് നിന്നും സാധിക്കുന്ന എല്ലാ സഹായവും ചെയ്ത് തരും. ഒരു സഹോദരനോട് ചോദിക്കുന്നത് പോലെ ചോദിക്കാം, ഒരു ആശങ്കയും വേണ്ട, ഡോക്ടർമാരും ഇന്ന് തന്നെ ഞാൻ സംസാരിക്കുന്നതാണ്. എത്ര ചിലവേറിയ ചികിത്സയാണെങ്കിലും ഞാൻ ചെയ്ത് തരും" ഗണേഷ് കുമാർ മഹേഷിനെ ചേർത്ത് പിടിച്ചുകൊണ്ട് പറഞ്ഞു. കഴിഞ്ഞ ദിവസം ആശുപത്രി വിട്ടതിന് ശേഷമുള്ള മഹേഷിന്റെ ആദ്യ പ്രതികരണം പുറത്ത് വന്നിരുന്നു. ഇതിന് പിന്നാലെയാണ് ഗണേഷ് കുമാറിന്റെ സന്ദർശനം.
ALSO READ : Actor Prithviraj : നടൻ പൃഥ്വിരാജിന് ഷൂട്ടിങ്ങിനിടെ പരിക്ക്; ആശുപത്രിയിൽ പ്രവേശിപ്പിച്ചു
വണ്ടിയിൽ കോമഡിയും കൗണ്ടറുകളുമായി മുന്നോട്ട് പോവുകയായിരുന്നു. ആക്സിഡൻറ് പറ്റിയത് അറിഞ്ഞില്ല. വാഹനത്തിൽ വെച്ചാണ് കണ്ണ് തുറന്നത് അപ്പോൾ താടിയും മുഖവുമൊക്കെ ചതഞ്ഞ അവസ്ഥയിലായിരുന്നു. സർജറിക്കിടയിൽ ഡോക്ടർമാർ പറഞ്ഞത് കേട്ടാണ് സുധി ചേട്ടൻ മരിച്ച കാര്യം അറിഞ്ഞത്. മൂക്കിലെ ക്ഷതം ശബ്ദത്തെ തന്നെ മാറ്റിക്കളഞ്ഞു. താടിയെല്ലിൻറെയും പല്ലിൻറെയും ചികിത്സക്ക് ശേഷം മൂക്കിലെ ചതവും ചികിത്സിച്ച് ഭേദമാക്കാമെന്നാണ് ഡോക്ടർമാർ പറയുന്നത്. താൻ തളരില്ലെന്നും പൂർവ്വാധികം ശക്തിയോടെ തിരിച്ചു വരുമെന്നും മഹേഷ് ട്വന്റി ഫോർ ന്യൂസിനോട് പറഞ്ഞു.
മിക്രി കലാകാരനുമായ കൊല്ലം സുധി വാഹനാപകടത്തിൽ മരിച്ചിരുന്നു. വടകരയിൽ നിന്നും പ്രോഗ്രാം കഴിഞ്ഞു മടങ്ങി വരുകയായിരുന്ന സംഘം സഞ്ചരിച്ചിരുന്ന കാർ എതിരെ വന്ന പിക്കപ്പുമായി കൂട്ടിയിടിച്ചാണ് അപകടമുണ്ടായത്.അപകടത്തിൽ നടൻ ബിനു അടിമാലി, ഉല്ലാസ് അരൂർ എന്നിവർക്കും പരിക്കേറ്റിരുന്നു.ഇടിയുടെ ആഘാതത്തിൽ കാറിന്‍റെ മുൻ വശം പൂർണ്ണമായും തകരുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
