Meiyazhagan: കാർത്തിയും അരവിന്ദ് സ്വാമിയും ഒന്നിക്കുന്ന 'മെയ്യഴകൻ', ട്രെയിലറെത്തി

കാർത്തിയും അരവിന്ദ് സാമിയും ഒന്നിക്കുന്ന ചിത്രം സി. പ്രേംകുമാർ ആണ് സംവിധാനം ചെയ്യുന്നത്. സൂര്യയും ജ്യോതികയുമാണ് നിർമ്മാതാക്കൾ.

കാർത്തി, അരവിന്ദ് സ്വാമി എന്നിവർ കേന്ദ്ര കഥാപാത്രങ്ങളാകുന്ന മെയ്യഴകൻ എന്ന ചിത്രത്തിന്റെ ട്രെയിലർ പുറത്തിറങ്ങി. ഇരുവരുടെയും ആത്മബന്ധത്തിന്റെ കഥയാണ് ട്രെയിലറിൽ നിന്ന് വ്യക്തമാകുന്നത്. ചിത്രം സെപ്റ്റംബർ- 27ന് ലോകമെമ്പാടും റിലീസ് ചെയ്യും. ശ്രീദിവ്യയാണ് ചിത്രത്തിൽ നായിക. 

'96' എന്ന സൂപ്പർ ഹിറ്റ് സിനിമയിലൂടെ ശ്രദ്ധേയനായ സി. പ്രേംകുമാറാണ് ചിത്രത്തിൻ്റെ സംവിധായകൻ. ഇതിൻ്റെ ഫസ്റ്റ് ലുക്ക്, സെക്കൻഡ് ലുക്ക് പോസ്റ്ററുകൾ കാർത്തിയുടെ ജന്മ ദിനം പ്രമാണിച്ചു അണിയറക്കാർ അടുത്തിടെ പുറത്തിറക്കിയത് സോഷ്യൽ മീഡിയയിൽ വൈറലായിരുന്നു എന്നത് ശ്രദ്ധേയമാണ്. ഗോവിന്ദ് വസന്തയാണ് സംഗീത സംവിധാനം നിർവഹിക്കുന്നത്. 

തമിഴകത്ത് വൻ വിജയം നേടിയ 'വിരുമൻ' എന്ന ചിത്രത്തിന് ശേഷം 2ഡി എൻ്റർടെയ്ൻമെൻ്റ് കാർത്തിയെ നായകനാക്കി നിർമ്മിക്കുന്ന സിനിമയാണിത്. സൂര്യയും ജ്യോതികയുമാണ് നിർമ്മാതാക്കൾ. രാജശേഖർ കർപ്പൂര കർപ്പൂര പാണ്ഡ്യനാണ് സഹ നിർമ്മാതാവ്. കാർത്തി, അരവിന്ദ് സാമി, ശ്രീദിവ്യ, എന്നിവർക്കൊപ്പം രാജ് കിരൺ, ജയ പ്രകാശ്, ശരൻ എന്നിവർ ചിത്രത്തിൽ മുഖ്യ കഥാപാത്രങ്ങളെ അവതരിപ്പിക്കുന്നു. പി ആർ ഓ - സി. കെ. അജയ് കുമാർ.