അനൂപ് മേനോനെ നായകനാക്കി നവാഗതരായ അജേഷ് ആന്‍റണി, അനീഷ് ബി.ജെ., ബെപ്സൺ നോർബെൽ എന്നിവർ ചേർന്ന് രചനയും സംവിധാനവും നിർവ്വഹിക്കുന്ന "നിഗൂഢം" ത്തിന്‍റെ ടീസർ പുറത്തുവിട്ടു. പേര് പോലെ തന്നെ നിഗൂഢതകൾ നിറച്ചുള്ള ഒരു ടീസർ തന്നെയാണ് അണിയറക്കാർ പുറത്തുവിട്ടിരിക്കുന്നത്. 53 സെക്കൻഡാണ് ടീസറിന്റെ ദൈർഘ്യം.
"നിഗൂഢം" എന്ന ചിത്രത്തിന്‍റെ ടാഗ് ലൈൻ എ ടെയ്ൽ ഒഫ് മിസ്റ്റീരിയസ് ജേർണി - നിഗൂഢമായ ഒരു യാത്രയുടെ കഥ എന്നാണ്. ഒരു പ്രത്യേക ലക്ഷ്യത്തോടെ പ്രശസ്ത ചിത്രകാരനായ ശങ്കര്‍ നടത്തുന്ന ഒരു യാത്രയും അതിലൂടെ അദ്ദേഹം കണ്ടെത്തുന്ന നിഗൂഢതകളുമാണ് ചിത്രത്തിന്‍റെ ഇതിവൃത്തം. ജി & ജി പ്രൊഡക്ഷൻസിന്‍റെ ബാനറിൽ അജേഷ് എസ്.കെ. നിർമ്മിക്കുന്ന ചിത്രത്തില്‍ അനൂപ് മേനോനും ഇന്ദ്രൻസിനുമൊപ്പം സെന്തിൽ കൃഷ്ണ, റോസിൻ ജോളി, ഗൗതമി നായർ, ശിവകാമി എന്നിവരാണ് മറ്റ് പ്രധാന വേഷങ്ങൾ അവതരിപ്പിക്കുന്നത്.
ഛായാഗ്രഹണം - പ്രദീപ് നായർ, സംഗീനം - റോണി റാഫേൽ, ഗാനങ്ങൾ - കൃഷ്ണ ചന്ദ്രൻ . സി.കെ, പ്രൊഡക്ഷൻ കൺട്രോളർ - എസ് മുരുകൻ, കലാ സംവിധാനം. - സാബുറാം,, വസ്ത്രാലങ്കാരം - ബസി ബേബി ജോൺ, മേയ്ക്കപ്പ് - സന്തോഷ് വെൺപകൽ , എഡിറ്റിംഗ് - സുബിൻ സോമൻ, ചീഫ് അസോസ്സിയേറ്റ് ഡയറക്ടർ - ശങ്കർ , എസ്.കെ, ഫിനാൻസ് കൺട്രോളർ - സന്തോഷ് ബാലരാമപുരം, പ്രൊഡക്ഷൻ എക്സിക്യുട്ടീവ് - ഹരി കാട്ടാക്കട .പ്രൊഡക്ൻ മാനേജർ - കുര്യൻ ജോസഫ്, സ്റ്റിൽസ് - അജി മസ്ക്കറ്റ് , മീഡിയ ഡിസൈൻ - പ്രമേഷ് പ്രഭാകർ എന്നിവരാണ് അണിയറ പ്രവര്‍ത്തകര്‍.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
