ചലച്ചിത്ര താരം ജഗദീഷിന് ജന്മദിന൦ ആശംസിച്ച് നിര്‍മ്മാതാവും പ്രൊഡക്ഷന്‍ കണ്‍ട്രോളറുമായ ഷിബു ജി സുശീലന്‍ പങ്കുവച്ച കുറിപ്പ് സമൂഹ മാധ്യമങ്ങളില്‍ വൈറലാകുന്നു.
ജഗദീഷിന്‍റെ അറുപത്തിയഞ്ചാം പിറന്നാളാണ് ഇന്ന്. ജഗദീഷിനു വേണ്ടി താന്‍ ഡ്യൂപ്പ് ചെയ്തിട്ടുണ്ടെന്നും അദ്ദേഹം ഒരു സംവിധയകനാകുമെന്നാണ് തന്‍റെ പ്രതീക്ഷയെന്നും ഷിബു പറയുന്നു.
കൂടാതെ, മലയാളസിനിമയിൽ ഉയർന്ന വിദ്യാഭ്യാസം ഉള്ള നടൻ ജഗദീഷാണെന്നും അദ്ദേഹം പറഞ്ഞു. എംകോംമിനു റാങ്ക് വാങ്ങിയ ജഗദീഷ് ബാങ്കില്‍ ഉദ്യോഗസ്ഥന്‍ ആയിരുന്നുവെന്നും പിന്നീട് കോളേജിൽ അധ്യാപകനായെന്നും ഷിബു പറയുന്നു.
ഓരോരോ ആചാരങ്ങളേ... വിവാഹം കഴിഞ്ഞാല്‍ മൂന്ന് ദിവസം ബാത്റൂമില്‍ പോകാന്‍ പാടില്ല!!
സിനിമയിൽ പ്രവർത്തിക്കുന്ന എല്ലാവരെയും ഒരുപോലെ കാണാൻ ഉള്ള മനസാണ് ജഗദീഷിനെന്നു പറഞ്ഞ ഷിബു അദ്ദേഹത്തിന്‍റെ വീട്ടില്‍ പല തവണ പോയിട്ടുണ്ടെന്നും പറയുന്നു
ഷിബു ജി സുശീലന്‍റെ ഫേസ്ബുക്ക്‌ പോസ്റ്റിന്‍റെ പൂര്‍ണരൂപം:
#ഇന്ന്ജഗദീഷ്ചേട്ടന്65മത്ജന്മദിനം
ഞാൻ ചേട്ടനെ പരിചയപ്പെടുന്നത് 1993-1994ൽ ആണ്.
അതിനു ശേഷം കുറെ ചിത്രങ്ങൾ ഞാൻ ചേട്ടനോടൊപ്പം വർക്ക്‌ ചെയ്തു .മലയാളസിനിമയിൽ ഉയർന്ന വിദ്യാഭ്യാസം ഉള്ള നടൻ ജഗദീഷ് ചേട്ടൻ ആണ് .എംകോംമിനു റാങ്ക് വാങ്ങിയ ആൾ .
ബാങ്ക് ഉദ്യോഗസ്ഥൻ ആയി തുടങ്ങി. പിന്നെ കോളേജിൽ അധ്യാപകൻ അവിടെ നിന്ന് 1984ൽ മൈഡിയർ കുട്ടിച്ചാത്തനിലൂടെ നടൻ അതിന്റെ ഇടയിൽ അധിപൻ എന്ന സിനിമയുടെ തിരക്കഥകൃത്ത് അങ്ങനെ പല മേഖലയിൽ .അതിന്റെ ഇടയിൽ 2016ൽ നിയമസഭയിലേക്ക് മത്സരിച്ചു ..
ഡയറക്ടർ താഹ സാർ സംവിധാനം ചെയ്ത #ഗജരാജമന്ത്രം എന്ന ചിത്രത്തിൽ ,ഞാൻ വർക്ക്‌ ചെയ്‌യുന്ന സമയത്ത് ജഗദീഷ് ചേട്ടന്റെ ഡ്യൂപ് ആയി കുറെ സീനുകൾ ഞാൻ ചെയേണ്ടതായി വന്നു .കാരണം ആ സമയങ്ങളിൽ ജഗദീഷ് ചേട്ടൻ വളരെ തിരക്കുള്ള നടൻ ആയിരുന്നു .
സിനിമയിൽ പ്രവർത്തിക്കുന്ന എല്ലാവരെയും ഒരുപോലെ കാണാൻ ഉള്ള മനസ്സിന് ഉടമ ആണ് ജഗദീഷ് ചേട്ടൻ ..എല്ലാവർക്കും അതിനു ഉള്ള മനസ്സ് കാണുകയില്ല എന്നത് ആണ് സത്യം . ഞാൻ ഇടക്ക് പല തവണ ചേട്ടന്റെ വീട്ടിൽ പോയിട്ടുണ്ട് ..നല്ല ഒരു കുടുംബനാഥൻ
ചേട്ടന്റെ ഭാര്യ രമ ചേച്ചി ..ചേട്ടനെ പോലെ വളരെ തിരക്കുള്ള ഫോറൻസിക്ക് ഡിപ്പാർട്മെന്റിൽ ജോലി ആയിരുന്നു .ചേട്ടനെ ഷൂട്ടിംഗ് കൊണ്ട് പോകാൻ നമ്മൾ സാധാരണ കാർ ചെല്ലുമ്പോൾ ചേച്ചിക്ക് പോകാൻ നീല ലൈറ്റ് വെച്ച കാറും പോലീസും വന്നിട്ടുണ്ടാകും .....
രണ്ടു പെൺ കുട്ടികൾ ആണ് ജഗദീഷ് ചേട്ടന്. മൂത്തമകളുടെ കല്യാണത്തിന് എനിക്ക് പങ്കെടുക്കാൻ സാധിച്ചു. മരുമകൻ IPS ഓഫീസർ ആണ്. ജഗദീഷ് ചേട്ടൻ ഒരു സിനിമ സംവിധായകൻ എന്ന നിലയിൽ കൂടി വരണം... വരും എന്നാണ് എന്റെ വിശ്വാസം.പ്രിയപ്പെട്ട ജഗദീഷ് ചേട്ടന് എന്റെയും കുടുബത്തിന്റെയും #ജന്മദിനആശംസകൾ നേരുന്നു .
