തെന്നിന്ത്യൻ സിനിമാസ്വാദകർക്ക് ഏറെ പ്രിയങ്കരിയായ നടിയാണ് അഭിരാമി. മലയാളം, തമിഴ്, തെലുങ്ക്, കന്നഡ എന്നീ ഭാഷകളിലായി നിരവധി ചിത്രങ്ങളിൽ അഭിരാമി അഭിനയിച്ചിട്ടുണ്ട്.
Abhirami latest photos: തമിഴ്നാട്ടിലാണ് ജനിച്ചതെങ്കിലും അഭിരാമി പഠിച്ചതും വളർന്നതുമെല്ലാം തിരുവനന്തപുരത്തായിരുന്നു. അതിനാൽ തന്നെ മലയാളം, തമിഴ് ഭാഷകൾ അനായാസം കൈകാര്യം ചെയ്യാൻ അഭിരാമിയ്ക്ക് കഴിയും.
1999-ൽ ഇറങ്ങിയ പത്രം എന്ന മലയാള സിനിമയിൽ ഒരു ചെറിയ വേഷം ചെയ്താണ് അഭിരാമി തുടങ്ങിയത്.
മില്ലേനിയം സ്റ്റാർസ്, ഞങ്ങൾ സന്തുഷ്ടരാണ്, ശ്രദ്ധ എന്നീ ചിത്രങ്ങളിലെ അഭിരാമിയുടെ പ്രകടനം ശ്രദ്ധേയമായി.
മോഹൻലാൽ, സുരേഷ് ഗോപി, ജയറാം എന്നീ സൂപ്പർ താരങ്ങളോടൊപ്പമെല്ലാം അഭിരാമി അഭിനയിച്ചിട്ടുണ്ട്.
കമൽഹാസൻ, പ്രഭു, ശരത് കുമാർ, അർജ്ജുൻ തുടങ്ങിയ പ്രമുഖ തമിഴ് നടൻമാർക്കൊപ്പവും അഭിരാമി ശ്രദ്ധേയമായ വേഷങ്ങൾ കൈകാര്യം ചെയ്തിട്ടുണ്ട്.
പ്രായം 40 കഴിഞ്ഞെങ്കിലും അഭിരാമി ഇപ്പോഴും ചെറുപ്പമാണെന്നാണ് ആരാധകർ പറയുന്നത്.
സിനിമ പോലെ സോഷ്യൽ മീഡിയയിലും സജീവമാണ് അഭിരാമി.
അഭിരാമി പങ്കുവെയ്ക്കാറുള്ള ചിത്രങ്ങളും വിശേഷങ്ങളുമെല്ലാം അതിവേഗമാണ് വൈറലാകുന്നത്.
