Luckiest Zodiac Signs: ജാതകത്തിലെ ഗ്രഹങ്ങളുടെ സ്വാധീനം ഓരോ വ്യക്തിയുടെയും വ്യക്തിത്വത്തിൽ ദൃശ്യമാണ്. മാത്രമല്ല, ഗ്രഹങ്ങളുടെ സ്വാധീനം ഒരു വ്യക്തിയുടെ കരിയർ, സാമ്പത്തിക നില, വിജയം, സമൂഹത്തില്‍ ലഭിക്കുന്ന ബഹുമാനം, ആരോഗ്യം എന്നിവയേയും സ്വാധീനിക്കുന്നു. അതിനാലാണ് ജ്യോതിഷത്തില്‍ ചില രാശിക്കാര്‍ വലിയ ഭാഗ്യശാലികളാണ് എന്ന് പറയുന്നതിന്‍റെ കാരണം.
ജ്യോതിഷത്തിൽ ചില രാശികളിലുള്ള ആളുകൾക്ക് അവരുടെ ജീവിതത്തിൽ എല്ലാം എളുപ്പത്തിൽ ലഭിക്കും. അതായത്, ഈ രാശിക്കാര്‍ക്ക് ജീവിതത്തില്‍ ഒരിയ്ക്കലും പണത്തിന്‍റെ കുറവ് ഉണ്ടാകില്ല. മാത്രമല്ല, സമ്പത്തും, സ്നേഹവും പദവിയും എന്നും ഇവര്‍ക്കൊപ്പമുണ്ടാകും...
ജ്യോതിഷത്തിലെ ഈ ഭാഗ്യ രാശികള്‍ ആരൊക്കെയാണ് എന്ന് നോക്കാം...
മേടം (Aries Zodiac Sign) മേടം രാശിയില്‍ ജനിച്ച ആളുകളുടെ പുരോഗതി വളരെ വേഗത്തില്‍ ആയിരിയ്ക്കും. ഈ രാശിക്കാര്‍ക്ക് കാര്യങ്ങള്‍ കൈകാര്യം ചെയ്യാനുള്ള കഴിവ് (മാനേജ്മെന്‍റ്) വളരെ മികച്ചതായിരിയ്ക്കും. അതിനാല്‍ ഇവര്‍ ഒരേ സമയം പല കാര്യങ്ങള്‍ ചെയ്യുന്നു. ഈ രാശിക്കാര്‍ക്ക് ഭാഗ്യത്തിന്‍റെ പൂർണ്ണ പിന്തുണ ലഭിക്കുന്നു. അവർ നിർഭയരും ധൈര്യശാലികളുമായിരിയ്ക്കും. ഈ രാശിക്കാര്‍ ഏത് വെല്ലുവിളികളേയും അപകടങ്ങളെയും ദൃഢമായി നേരിടുന്നു. അവർ ജീവിതത്തിൽ ധാരാളം പണം സമ്പാദിക്കുന്നു.
ഇടവം (Taurus Zodiac Sign) ഇടവം രാശിക്കാര്‍ കഠിനാധ്വാനികളും ബുദ്ധിശാലികളും ആകർഷകമായ വ്യക്തിത്വവും പ്രസന്നതയുമുള്ളവരാണ് എന്ന് ജ്യോതിഷത്തില്‍ പറയുന്നു. ഈ രാശിക്കാര്‍ വളരെ വികാരാധീനരാണ്. അവരുടെ ഈ ഗുണങ്ങൾ അവര്‍ക്ക് ജീവിതത്തിൽ വളരെയധികം വിജയങ്ങള്‍ സമ്മാനിക്കുന്നു. ഈ ആളുകൾക്ക് സാധാരണയായി 40 വയസിന് ശേഷം ഉയർന്ന സ്ഥാനവും പ്രശസ്തിയും ബഹുമാനവും അളവറ്റ സമ്പത്തും ലഭിക്കും. അവർ എന്ത് ലക്ഷ്യം വെക്കുന്നുവോ, അവർ അത് തീർച്ചയായും നേടുന്നു.
വൃശ്ചികം (Scorpio Zodiac Sign) വൃശ്ചിക രാശിക്കാർ നിര്‍ഭയരാണ് എന്നതാണ് ഇവരുടെ ഏറ്റവും വലിയ പ്രത്യേകത. ജീവിതത്തിൽ ഏത് തരത്തിലുള്ള റിസ്ക് എടുക്കാനും ഇത്തരക്കാർക്ക് മടിയില്ല. മറ്റുള്ളവരിൽ നിന്ന് കാര്യങ്ങള്‍ എങ്ങനെ നേടിയെടുക്കാം എന്ന് അവർക്ക് നന്നായി അറിയാം, അതിനാൽ അവർ എല്ലാ ജോലികളിലും എളുപ്പത്തിൽ വിജയിക്കുന്നു. അവർക്ക് ഒരിക്കലും പണത്തിന്‍റെ കുറവ് ഉണ്ടാകില്ല. സാധാരണയായി ഈ രാശിക്കാര്‍ ഏറെ ജനപ്രിയരാണ്.
മകരം (Capricorn Zodiac Sign) മകരം രാശിയുടെ അധിപനാണ് ശനി. അതുകൊണ്ടുതന്നെ ഈ രാശിക്കാര്‍ വളരെ കഠിനാധ്വാനികളും സത്യസന്മാണ്. ഈ രാശിക്കാര്‍ക്ക് മികച്ച നേതൃത്വപാടവവും ഉണ്ട്. എത്തി ജോലി അവര്‍ ആരംഭിച്ചാലും അത് ഭംഗിയായി പൂര്‍ത്തിയാക്കിയ ശേഷമേ അവര്‍ക്ക് വിശ്രമമുള്ളു. ഈ രാശിക്കാര്‍ ജീവിതത്തില്‍ ഏറെ പേരും പെരുമയും നേടുന്നു. ഇവര്‍ ജീവിതത്തില്‍ ധാരാളിത്തം കാട്ടാറില്ല.
