പ്രശസ്ത സംവിധായകന്‍ പ്രിയദര്‍ശന്റെയും നടി ലിസ്സിയുടെയും മകളാണ് കല്യാണി പ്രിയദർശൻ. ന്യൂയോർക്കിലെ പാർസൺസ് സ്‌കൂൾ ഓഫ് ഡിസൈനിൽ നിന്ന് ആർക്കിടെക്‌ചറൽ ഡിസൈനിൽ ബിരുദം നേടിയ ശേഷമാണ് കല്യാണി സിനിമാ മേഖലയിലേയ്ക്ക് തിരിഞ്ഞത്.
Kalyani Priyadarshan latest photos: നാട്ടിൽ തിരിച്ചെത്തിയ ശേഷം ക്രിഷ് 3 (2013) എന്ന ഹിന്ദി ചിത്രത്തിന്റെ അസിസ്റ്റന്റ് പ്രൊഡക്ഷൻ ഡിസൈനറായും ഇരുമുഗൻ (2016) എന്ന തമിഴ് ചിത്രത്തിന്റെ അസിസ്റ്റന്റ് ആർട്ട് ഡയറക്റ്ററായും പ്രവർത്തിച്ചു. ഇതിന് ശേഷം ഹലോ (2017) എന്ന ചിത്രത്തിലൂടെയാണ് കല്യാണി അഭിനയരംഗത്തേക്ക് വന്നത്.
തെലുങ്കിലാണെങ്കിലും ആദ്യ ചിത്രത്തിലെ കല്യാണിയുടെ പ്രകടനം തന്നെ ശ്രദ്ധേയമായി.
ഹലോയിലെ അഭിനയത്തിന് ദക്ഷിണേന്ത്യയിലെ മികച്ച നവാഗത നടിയ്ക്കുള്ള ഫിലിം ഫെയര്‍ അവാര്‍ഡും തെലുങ്കിലെ മികച്ച നവാഗത നടിയ്ക്കുള്ള സീമ അവാര്‍ഡും കല്യാണിയ്ക്ക് ലഭിച്ചു.
2020ൽ പുറത്തിറങ്ങിയ വരനെ ആവശ്യമുണ്ട് എന്ന ചിത്രത്തിലൂടെയാണ് കല്യാണി മലയാളത്തിൽ അരങ്ങേറ്റം കുറിച്ചത്.
പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ സംവിധാനം ചെയ്ത ഹൃദയം (2022) എന്ന ചിത്രമാണ് കല്യാണിയുടെ കരിയറിൽ വഴിത്തിരിവായത്.
ടൊവിനോ തോമസിൻെറ നായികയായി എത്തിയ തല്ലുമാല എന്ന ചിത്രവും വൻ വിജയമായി മാറി.
മരയ്ക്കാർ അറബിക്കടലിൻെറ സിംഹം, ബ്രോ ഡാഡി തുടങ്ങിയ ചിത്രങ്ങളിലും കല്യാണി വേഷമിട്ടു.
ഇന്ന് മലയാളത്തിലെ തിരക്കേറിയ നടിമാരിൽ ഒരാളാണ് കല്യാണി.
