രണ്ട് തവണ സംസ്ഥാന ചിലച്ചിത്ര അവാർഡിൽ മികച്ച ബാലതാരത്തിനുള്ള അവാർഡ് കരസ്ഥമാക്കിയിട്ടുള്ള താരമാണ് മാളവിക നായർ. മമ്മൂട്ടിയുടെ മകളായി കറുത്തപക്ഷികൾ എന്ന സിനിമയിൽ അഭിനയിച്ച ശേഷമാണ് മാളവിക മലയാളികൾക്ക് സുപരിചിതയാകുന്നത്.
കറുത്തപക്ഷികളിലെ മല്ലി എന്ന അന്ധയായ പെൺകുട്ടിയായി മികച്ച പ്രകടനം കാഴ്ചവച്ച മാളവികയ്ക്ക് ആ വർഷത്തെ സംസ്ഥാന അവാർഡ് ലഭിച്ചു.
അതിന് ശേഷം കൂടുതൽ സിനിമകളിൽ ബാലതാരമായി അഭിനയിക്കാൻ മാളവികയ്ക്ക് അവസരങ്ങൾ വന്നു. യെസ് യുവർ ഓണർ, മായാബസാർ, ഓർക്കുക വല്ലപ്പോഴും, ശിക്കാർ, പെൺപട്ടണം, കാണ്ഡഹാർ, ഇത്ര മാത്രം, വാദ്ധ്യാർ, ലിറ്റിൽ മാസ്റ്റർ, ഡാഫ്‌ഡർ തുടങ്ങിയ സിനിമകളിൽ ബാലതാരമായി മാളവിക അഭിനയിച്ചിരുന്നു.
ഇത് കൂടാതെ ധാരാളം ടെലിവിഷൻ സീരിയലുകളിലും മാളവിക അഭിനയിച്ചിട്ടുണ്ട്. ഭക്തീയ സീരിയലുകളിലായിരുന്നു കൂടുതലും മാളവിക അഭിനയിച്ചത്.
