നിരവധി ആരാധകരുള്ള തെന്നിന്ത്യൻ നടിയാണ് രശ്മിക മന്ദാന. ബോളിവുഡിലേക്കും അരങ്ങേറ്റം കുറിച്ചിരിക്കുകയാണ് താരം. അമിതാഭ് ബച്ചൻ കേന്ദ്ര കഥാപാത്രമാകുന്ന ഗുഡ്ബൈ എന്ന ചിത്രത്തിലൂടെയാണ് രശ്മിക ബോളിവുഡിൽ അരങ്ങേറ്റം കുറിക്കുന്നത്. ചിത്രത്തിൽ അമിതാഭ് ബച്ചന്റെ മകളായിട്ടാണ് താരം എത്തുന്നത്.
ചിത്രത്തിന്റെ ട്രെയിലർ അടുത്തിടെ പുറത്തിറങ്ങിയിരുന്നു. ഒരു ഫാമിലി എന്റർടെയ്നർ ആയിരിക്കും ഈ ചിത്രമെന്നാണ് ട്രെയിലറിൽ നിന്നും മനസിലാകുന്നത്.
വികാസ് ബാൽ ആണ് ചിത്രം സംവിധാനം ചെയ്തിരിക്കുന്നത്. ഇന്ത്യയിലെ ഓരോ കൂട്ടുകുടുംബത്തിന്റെയും ഹൃദ്യമായ കഥയാണ് ഗുഡ്ബൈ.
നീന ഗുപ്ത, പവയിൽ ഗുലാത്തി, ആശിഷ് വിദ്യർത്ഥി, സുനിൽ ഗ്രോവർ, എല്ലി അവ്രാം, സാഹിൽ മേത്ത, ഷിവിൻ നാരംഗ്, അഭിഷേഖ് ഖാൻ എന്നിവരും ചിത്രത്തിൽ അഭിനയിക്കുന്നു.
ശോഭ കപൂർ, എക്ത ആർ കപൂർ എന്നിവരാണ് ചിത്രം നിർമ്മിക്കുന്നത്. കഥയും തിരക്കഥയും ഒരുക്കിയിരിക്കുന്നതും വികാസ് തന്നെയാണ്. സുധാകർ റെഡ്ഡിയാണ് ഛായാഗ്രഹണം നിർവഹിച്ചിരിക്കുന്നത്. സ്വാനന്ദ് കിർകിറെയുടെ വരികൾക്ക് അമിത് തൃവേദിയാണ് സംഗീതം നൽകിയിരിക്കുന്നത്.
