കുതിർത്ത ഉണക്കമുന്തിരി കഴിക്കുന്നത് നിരവധി ആരോഗ്യ ഗുണങ്ങൾ നൽകും.
അസ്ഥികളുടെ സാന്ദ്രത വർദ്ധിപ്പിക്കുന്നു: ഉണക്കമുന്തിരിയിൽ കാത്സ്യം, മൈക്രോ ന്യൂട്രിയൻ്റുകൾ എന്നിവ ധാരാളം അടങ്ങിയിട്ടുണ്ട്. കുതിർത്ത ഉണക്കമുന്തിരി ദിവസവും കഴിക്കുന്നത് എല്ലുകളും പേശികളും ശക്തിപ്പെടുത്താൻ സഹായിക്കുന്നു.
ഊർജ്ജം നൽകുന്നു: ഉണക്കമുന്തിരിയിൽ സ്വാഭാവിക ഫ്രക്ടോസും ഗ്ലൂക്കോസും ഉൾപ്പെടുന്നു. മിതമായ അളവിൽ ഉപയോഗിക്കുകയാണെങ്കിൽ ക്ഷീണം കുറയ്ക്കാനും ശരീരഭാരം കുറയ്ക്കാനും ഇവ മികച്ചതാണ്.
പ്രതിരോധശേഷി വർദ്ധിപ്പിക്കുന്നു: ഉണക്കമുന്തിരിയിൽ വിറ്റാമിൻ ബി, സി എന്നിവ അടങ്ങിയിട്ടുണ്ട്. ഈ വിറ്റാമിനുകൾ പ്രതിരോധശേഷി വർദ്ധിപ്പിക്കുന്നു. ഉണക്കമുന്തിരിയിലെ ആൻ്റി-ഇൻഫ്ലമേറ്ററി, ആന്റി ബാക്ടീരിയൽ ഗുണങ്ങൾ പനി, വിവിധ രോഗങ്ങൾ എന്നിവയിൽ നിന്ന് സംരക്ഷിക്കുന്നു.
ദഹനത്തിന് നല്ലത്: നാരുകളുടെ സമ്പന്നമായ ഉറവിടമാണ് ഉണക്കമുന്തിരി. കുതിർത്ത ഉണക്കമുന്തിരി കഴിക്കുന്നത് മലബന്ധം ഇല്ലാതാക്കാനും ദഹനം മികച്ചതാക്കാനും സഹായിക്കും.
ശരീരഭാരം കുറയ്ക്കാൻ: ഉണക്കമുന്തിരിയിൽ പ്രകൃതിദത്തമായ പഞ്ചസാര അടങ്ങിയിട്ടുണ്ട്, കലോറിയുടെ അളവ് വർദ്ധിപ്പിക്കാതെ തന്നെ ഇത് വിശപ്പ് കുറയ്ക്കാൻ സഹായിക്കും. ഇത് ശരീരഭാരം കുറയ്ക്കാൻ സഹായിക്കും.
