ന്യൂഡല്‍ഹി: COVID 19 മൂലം ലോസ് ആഞ്ചലസില്‍ ഒറ്റയ്ക്ക് കുടുങ്ങികിടക്കുകയാണ് ചലച്ചിത്ര താര, സൗന്ദര്യ ശര്‍മ്മ. ഈ സാഹചര്യത്തില്‍ ആവശ്യ വസ്തുക്കള്‍ ലഭ്യമാക്കാന്‍ താരം ഏറെ കഷ്ടപ്പെടുകയാണ്. എന്നാല്‍, ഇത് ജീവിതത്തില്‍ ലഭിക്കുന്ന ഒരനുഭവ പാഠമായി കാണുന്നുവെന്നാണ് താരം പറയുന്നത്.
ഇത് ജീവിതത്തില്‍ ലഭിക്കുന്ന ഒരു പാഠമാണ്. ലോസ് ഏഞ്ചൽസ് പോലുള്ള ഏതെങ്കിലും സ്ഥലത്ത് ലോക്ക്ഡൌണില്‍ കുടുങ്ങുമെന്ന് ഒരിക്കലും വിചാരിച്ചിട്ടില്ല. സൗന്ദര്യ പറയുന്നു.
ലീ സ്ട്രാസ്ബർഗിലെയും ന്യൂയോർക്ക് ഫിലിം അക്കാദമിയിലെയും ഒരു അഭിനയ കോഴ്‌സിൽ പങ്കെടുക്കാനാണ് താരം ഇവിടെയെത്തിയത്. പകർച്ചവ്യാധി പ്രഖ്യാപിച്ച ദിവസം ഞങ്ങൾ യൂണിവേഴ്സൽ സ്റ്റുഡിയോയിൽ ഷൂട്ടിംഗ് നടത്തുകയായിരുന്നു. അന്നുമുതൽ എല്ലാം മാറിമറിഞ്ഞു.
കൊറോണയും ജോര്‍ജ്ജ് ഫ്ലോയ്ഡ് കൊലപാതകത്തിന് പിന്നാലെയുള്ള പ്രതിഷേധങ്ങളും ഇവിടെ സ്ഥിതി വഷളാക്കുകയാണ്. ഈ സാഹചര്യത്തില്‍ പലതും പഠിക്കാന്‍ എനിക്ക് സാധിച്ചു -സൗന്ദര്യ പറഞ്ഞു.
'രക്താഞ്ചൽ' എന്ന വെബ്സിരീസിലാണ് സൗന്ദര്യ അവസാനമായി പ്രത്യക്ഷപ്പെട്ടത്.
കൊറോണ വൈറസ് വ്യാപനത്തെ തുടര്‍ന്ന് അഞ്ചു തവണയാണ് ഇന്ത്യയിലേക്ക് മടങ്ങാനിരുന്ന താരത്തിന്‍റെ ഫ്ലൈറ്റ് റദ്ദാക്കിയത്.
