IND vs SA 3rd ODI : പരമ്പര പിടിക്കാൻ ഇന്ത്യയും ദക്ഷിണാഫ്രിക്കയും നേർക്കുനേർ; ഇന്ന് മൂന്നാം ഏകദിനം

SA vs IND 3rd ODI : നിലവിൽ മൂന്ന് മത്സരങ്ങളുടെ പരമ്പരയിൽ ഇരു ടീമുകളും 1-1 എന്ന നിലയിൽ സമനിലയിലാണ്

Ind vs SA Match Today : ദക്ഷിണാഫ്രിക്കയ്ക്കെതിരെയുള്ള മൂന്നാം ഏകദിനത്തിനായി ഇന്ത്യ ഇന്ന് ഇറങ്ങും. പാളിൽ വെച്ചാണ് പരമ്പരയിലെ അവസാനം മത്സരത്തിനായി ഇന്ത്യ ഇറങ്ങുന്നത്. മൂന്ന് മത്സരങ്ങളുടെ പരമ്പരയിൽ നിലവിൽ 1-1ന് സമനിലയിലാണ്. ഇന്ത്യൻ സമയം വൈകിട്ട് 4.30നാണ് മത്സരം ആരംഭിക്കുക. അതേസമയം ഇന്ത്യയുടെ ബാറ്റിങ് ലൈനപ്പിൽ മാറ്റമുണ്ടാകാൻ സാധ്യത.

ഫോം കണ്ടെത്താത്ത ഓപ്പണർ റുതുരാജിന് ബെഞ്ചിലിരുത്താനാകും സാധ്യത. പകരം രജിത് പാട്ടിധാർക്ക് അരങ്ങേറ്റത്തിന് അവസരം നൽകും. രണ്ടാം മത്സരത്തിൽ നിറം മങ്ങിയ സഞ്ജു സാംസണിന് ഇന്നും കൂടി അവസരം ലഭിച്ചേക്കും. ബോളിങ്ങിൽ പേസർ മുകേഷ് കുമാറിനെ പുറത്തിരുത്തി ആകാശ് ദീപ് പ്ലേയിങ് ഇലവനിൽ എത്തിയേക്കും. കുൽദീപിന് പകരം യുസ്വേന്ദ്ര ചഹലിനും അവസരം ലഭിച്ചേക്കും.

ആദ്യ മത്സരത്തിൽ നിന്നും നിലവിൽ ആതിഥേയരായ ദക്ഷിണാഫ്രിക്ക ശക്തമായ നിലയിലാണ്. പരമ്പരയിലെ രണ്ടാം മത്സരത്തിൽ ടീമിന്റെ എല്ലാം മേഖലയും മികവ് പുലർത്തി. ഗ്ക്വെബെർഹായിലെ അത് പ്ലേയിങ് ഇലവനാകും ഇന്ന് പാളിൽ എയ്ഡെൻ മക്രത്തിന്റെ നേതൃത്വത്തിൽ ഇറങ്ങാൻ സാധ്യത.

ഇന്ത്യ- ദക്ഷിണാഫ്രിക്ക സാധ്യത ഇലവൻ

ഇന്ത്യ- രജിത് പാട്ടിധാർ, സായി സുദർശൻ, തിലക് വർമ, സഞ്ജു സാംസൺ, കെ.എൽ രാഹുൽ, റിങ്കു സിങ്, അക്സർ പട്ടേൽ, ആകാശ് ദീപ്, അവേശ് ഖാൻ, അർഷ്ദീപ് സിങ്, കുൽദീപ് യാദവ്

ദക്ഷിണാഫ്രിക്ക - റീസാ ഹെൻഡ്രിക്സ്, ടോണി ഡി സോർസി, എയ്ഡെൻ മക്രം, റാസ്സീ വാൻ ഡെൻ ഡസ്സൻ, ഹെയ്ൻറിച്ച് ക്ലാസെൻ, ഡേവിഡ് മില്ലർ, വിയാൻ മൾഡർ, ബ്യൂറെൻ ഹെൻഡ്രിക്സ്, കേശവ് മഹാരാജ്, നന്ദ്രെ ബർഗർ, ലിസാഡ് വില്യംസ്