തിരുവനന്തപുരം: കൊറോണ വൈറസ് (Corona Virus) വ്യാപനത്തെ തുടര്‍ന്ന് ലോകത്താകമാനമുള്ള കളിക്കളങ്ങളും മൈതാനങ്ങളും നിശ്ചലമായിരുന്നു.
ഇംഗ്ലണ്ട്-വെസ്റ്റിന്‍ഡീസ് ടെസ്റ്റ്‌ പരമ്പര ആരംഭിച്ചതോടെ വീണ്ടും സ്റ്റേഡിയങ്ങള്‍ സജീവമായി. എന്നാല്‍, ഇന്ത്യ ഇതുവരെ ക്രിക്കറ്റ് (Cricket) പരമ്പരകള്‍ ആരംഭിച്ചിട്ടില്ല. നാല് മാസത്തോളമായി ക്രിക്കറ്റ് മത്സരങ്ങളില്‍ നിന്നും വിട്ടുനില്‍ക്കുന്നതിന്റെ സങ്കടത്തിലാണ് പല താരങ്ങളും.
ക്രിക്കറ്റിനെ ഒരുപാട് മിസ്‌ ചെയ്യുന്നുവെന്ന് വ്യക്തമാക്കി ഇന്ത്യന്‍ താരം കെഎല്‍ രാഹുല്‍ (KL Rahul) പങ്കുവച്ച ചിത്രം സമൂഹ മാധ്യമങ്ങളില്‍ വൈറലായിരുന്നു. സമൂഹ മാധ്യമങ്ങള്‍ തന്നെയാണ് താരങ്ങളുടെ നേരംപോക്ക്. ദിവസവും ജീവിതത്തില്‍ സംഭവിക്കുന്ന ഓരോകാര്യങ്ങളും താരങ്ങള്‍ സമൂഹ മാധ്യമങ്ങളിലൂടെ പങ്കുവയ്ക്കാറുണ്ട്.
അങ്ങനെ പങ്കുവച്ച ഒരു വീഡിയോയാണ് ഇപ്പോള്‍ സമൂഹ മാധ്യമങ്ങളില്‍ വൈറലാകുന്നത്. മലയാളിയും ഇന്ത്യന്‍ ക്രിക്കറ്റ് ടീം താരവുമായ സഞ്ജു സാംസണാ(Sanju Samson)ണ് ഇന്‍സ്റ്റഗ്രാമി(Instagram)ല്‍ വീഡിയോ പങ്കുവച്ചിരിക്കുന്നത്. ഫാദര്‍ റെബെയ്റോ എന്ന ഓര്‍ത്തഡോക്സ് പുരോഹിതനൊപ്പമാണ് സഞ്ജു ക്രിക്കറ്റ് കളിക്കുന്നത്.
സഞ്ജു സാംസണല്ല;ഇനി സഞ്ജു സാംസിംഗ്!
'സ്പെഷ്യല്‍ ബൗളര്‍ക്കൊപ്പം സ്പെഷ്യല്‍ പരിശീലനം. ഫാദര്‍ റെബെയ്റോ ഇടംകയ്യന്‍ ഓര്‍ത്തഡോക്സ്.' എന്ന അടിക്കുറിപ്പോടെയാണ് താരം വീഡിയോ പങ്കുവച്ചിരിക്കുന്നത്.
