റിയല്‍മി എക്‌സ് 2 വാരിയന്റ് ഇന്ത്യയില്‍ അവതരിപ്പിച്ചു. പുതിയ വേരിയന്റിന് 8 ജിബി റാമും 256 ജിബി ഇന്റേണല്‍ സ്റ്റോറേജും ലഭിക്കും. 17,999 രൂപയില്‍ 4 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് 19,999 രൂപ. 20,999 രൂപയില്‍ 8 ജിബി റാം + 128 ജിബി സ്റ്റോറേജ്, 8 ജിബി റാം + 256 ജിബി സ്റ്റോറേജ് എന്നിവയാണ് മറ്റ് ഓപ്ഷനുകള്‍.
പേള്‍ ബ്ലൂ, പേള്‍ വൈറ്റ്, പേള്‍ ഗ്രീന്‍ എന്നിവയുള്‍പ്പെടെ മൂന്ന് കളര്‍ ഓപ്ഷനുകളില്‍ പുതിയ മോഡല്‍ ലഭ്യമാകുമെന്നും റിയല്‍മി സ്ഥിരീകരിച്ചു. പുതിയ വേരിയന്റ് 2020 ജൂലൈ 21 ന് രാത്രി 8 മണി മുതല്‍ വില്‍പ്പനയ്ക്കെത്തും.
Also Read: സാംസങ് ഗാലക്‌സി M01s സ്മാര്‍ട്‌ഫോണ്‍ ഇന്ത്യയില്‍ അവതരിപ്പിച്ചു
ഡ്യുവല്‍ സിം (നാനോ) റിയല്‍മി എക്‌സ് 2 ആന്‍ഡ്രോയിഡ് 10 ല്‍ റിയല്‍മി യുഐയ്ക്കൊപ്പം പ്രവര്‍ത്തിക്കുന്നു, കൂടാതെ 6.4 ഇഞ്ച് ഫുള്‍ എച്ച്ഡി + (1,080×2,340 പിക്സല്‍) സൂപ്പര്‍ അമോലെഡ് ഡിസ്പ്ലേ 19.5: 9 വീക്ഷണാനുപാതവും 91.5 ശതമാനം സ്‌ക്രീന്‍-ടു- ബോഡി അനുപാതവും വരുന്നു. ക്വാള്‍കോം സ്നാപ്ഡ്രാഗണ്‍ 730 ജി SoC, അഡ്രിനോ 618 ജിപിയു, 8 ജിബി റാം വരെ ഫോണിനുണ്ട്. കൂടാതെ, 30W VOOC 4.0 ഫ്‌ലാഷ് ചാര്‍ജ് സാങ്കേതികവിദ്യയെ പിന്തുണയ്ക്കുന്ന 4,000mAh ബാറ്ററിയും ആണ് ഉള്ളത്
എഫ് / 1.8 ലെന്‍സുള്ള 64 മെഗാപിക്‌സല്‍ പ്രൈമറി സെന്‍സറും എഫ് / 2.25 സൂപ്പര്‍ വൈഡ് ആംഗിള്‍ ലെന്‍സുള്ള 8 മെഗാപിക്‌സല്‍ സെക്കന്‍ഡറി സെന്‍സറും അടങ്ങുന്ന ക്വാഡ് റിയര്‍ ക്യാമറ സജ്ജീകരണമുണ്ട്. എഫ് / 2.4 അപ്പേര്‍ച്ചറുള്ള 2 മെഗാപിക്‌സല്‍ മാക്രോ ഷൂട്ടറും എഫ് / 2.4 ലെന്‍സുള്ള 2 മെഗാപിക്‌സല്‍ ഡെപ്ത് സെന്‍സറും ക്യാമറ സജ്ജീകരണത്തില്‍ ഉള്‍പ്പെടുന്നു.
Also Read: ആപ്പിള്‍ സംസങ്ങിന് നൂറു കോടി ഡോളറിന്‍റെ നഷ്ടപരിഹാരം എന്തിന് നല്‍കി?
സെല്‍ഫികള്‍ക്കായി, മുന്‍വശത്ത് 32 മെഗാപിക്‌സല്‍ ക്യാമറ സെന്‍സറും എഫ് / 2.0 ലെന്‍സും റിയല്‍മി എക്‌സ് 2 നല്‍കുന്നു. മൈക്രോ എസ്ഡി കാര്‍ഡ് വഴി (256 ജിബി വരെ) വികസിപ്പിക്കാവുന്ന 256 ജിബി വരെ ഓണ്‍ബോര്‍ഡ് സ്റ്റോറേജ് ഈ ഫോണില്‍ ഉള്‍പ്പെടുന്നു.
റിയല്‍മി എക്‌സ് 2 ലെ കണക്റ്റിവിറ്റി ഓപ്ഷനുകളില്‍ 4 ജി വോള്‍ട്ട്, വൈ-ഫൈ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എന്‍എഫ്സി, യുഎസ്ബി ടൈപ്പ്-സി, 3.5 എംഎം ഹെഡ്ഫോണ്‍ ജാക്ക് എന്നിവ ഉള്‍പ്പെടുന്നു.
