Cyclone Asani News

Asani Cyclone: ഈ വർഷത്തെ ആദ്യ ചുഴലിക്കാറ്റായ അസാനി എത്തിയതായി കേന്ദ്ര കാലാവസ്ഥാ വകുപ്പ് റിപ്പോർട്ട് ചെയ്തു. പുതിയ പ്രവചനം അനുസരിച്ച്   ഒഡീഷ ആന്ധ്ര തീരത്തേക്ക്‌ 'അസാനി' കടക്കാൻ സാധ്യതയില്ലെന്നും തീരത്തിന് സമാന്തരമായി  കടലിലൂടെ നീങ്ങുമെന്നുമാണ് പറയുന്നത്. 

കിഴക്കൻ മേഖലകളിലാകും കൂടുതൽ മഴ ലഭിക്കുന്നത്. മെയ് 10ന് ആന്ധ്രാ ഒഡീഷ തീരത്തേക്ക് അസാനി ചുഴലിക്കാറ്റ് അടുക്കുമെന്നാണ് നിഗമനം

ബംഗാൾ ഉൾക്കടലിൽ രൂപപ്പെട്ട  ന്യൂനമർദ്ദം  ഇപ്പോൾ ശക്തമായിക്കൊണ്ടിരിക്കുകയാണ്.  അസാനി എന്ന് പേരിട്ടിരിയ്ക്കുന്ന ഈ ചുഴലിക്കാറ്റ്  ഒഡീഷ-ആന്ധ്രാപ്രദേശ്, പശ്ചിമ ബംഗാൾ തീരങ്ങളെയാണ് ബാധിക്കുക. 

അതിതീവ്ര ന്യൂനമർദമായി കഴിഞ്ഞാൽ‌ തുടർന്നുള്ള 24 മണിക്കൂറിനുള്ളിൽ ചുഴലിക്കാറ്റായി (Cyclonic Storm) ശക്തി പ്രാപിക്കാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.