ISKCON Radhakanta Temple : ബംഗ്ലാദേശിൽ ഇസ്ക്കോൺ രാധകണ്ഡാ ക്ഷേത്രം തകർത്ത നിലയിൽ; ഒട്ടേറെ പേർക്ക് പരിക്ക്

ധാക്ക: ബംഗ്ലാദേശിന്റെ തലസ്ഥാനമായ ധാക്കയിലെ ഇസ്ക്കോൺ രാധാകണ്ഡ ക്ഷേത്രം തകർത്ത നിലയിൽ. ക്ഷേത്രത്തിൽ ഹോളി ആഘോഷം നടക്കുന്ന വേളയിൽ 150തിൽ അധികം പേർ കൂട്ടം കൂടിയെത്തി ആക്രമണം അഴിച്ച് വിടുകയായിരുന്നു. ഇസ്ക്കോൺ ക്ഷേത്രത്തിന് നേരെ നടന്ന ആക്രമണത്തിന്റെ ചിത്രങ്ങൾ വോയിസ് ഓഫ് ബംഗ്ലാദേശി ഹിന്ദൂസ് ട്വിറ്ററിലൂടെ പങ്കുവെക്കുകയും ചെയ്തു.

On the night of shab-e-barat, Extremists are again attacking the Wari Radhakanta #ISKCON temple in Dhaka. We are requesting to all the Hindus to play their role in protecting the temple. #SaveBangladeshiHindus#SaveHinduTemplesInBangladesh @RadharamnDas @iskcon @india_iskcon pic.twitter.com/DVLZF7yVPG

— Voice Of Bangladeshi Hindus  (@VoiceOfHindu71) March 17, 2022

200 ഓളം പേരെത്തിയാണ് ക്ഷേത്രത്തിന് നേരെ ആക്രമണം നടത്തിയതെന്നാണ് ഹിന്ദു അമേരിക്കൻ ഫൗണ്ടേഷൻ വാർത്ത കുറിപ്പിലൂടെ അറിയിച്ചിരിക്കുന്നത്. ആക്രമണത്തിൽ മൂന്ന് പേർക്ക് പരിക്കേറ്റതായിട്ടാണ് റിപ്പോർട്ട്. ക്ഷേത്രത്തിലെ മൂർത്തി പ്രതിമ തകർക്കുകയും അക്രമികൾ ഭണ്ഡാരത്തിലെ പണം അപഹരിച്ച് കൊണ്ട് പോയെന്നും എച്ച്എഎഫ് ആരോപിക്കുന്നു.

സംഭവത്തിൽ ബംഗ്ലദേശ് സർക്കാർ അടിയന്തരമായി ശക്തമായ നടപടി സ്വീകരിക്കണമെന്ന് ഇസ്ക്കോൺ കൊൽക്കത്ത  വൈസ് പ്രസിഡന്റ് രാധാറാം വാർത്ത ഏജൻസിയായ എഎൻഐയോട് പറഞ്ഞു. ബംഗ്ലാദേശിലെ നൂനപക്ഷങ്ങൾക്ക് സുരക്ഷ സർക്കാർ ഒരുക്കണമെന്ന് ഇസ്ക്കോൺ കൊൽക്കത്ത ആവശ്യപ്പെട്ടു.

Last evening when devotees were preparing for Gaura Purnima celebration, a mob of 200 people entered premises of Shri Radhakanta Temple, Dhaka&attacked them, 3 of them were injured in scuffle. Fortunately, they called Police&were able to drive away miscreants: VP, ISKCON Kolkata pic.twitter.com/QoNcDjgHKn

— ANI (@ANI) March 18, 2022

നേരത്തെ 2021 ഒക്ടോബറിൽ സമാനമായ രീതിയിൽ ബംഗ്ലാദേശിലെ മറ്റൊരു ഇസക്കോൺ ക്ഷേത്രിത്തിന് നേരെ ആക്രമണം ഉണ്ടായിരുന്നു. നോഖാലി നഗരത്തിലെ ഇസ്ക്കോൺ ക്ഷേത്രത്തിന് നേരെ നടന്ന ആക്രമണത്തിൽ ഒരാൾ കൊല്ലപ്പെടുകയും ചെയ്തിരുന്നു.