പാരിസ്: പ്രധാനമന്ത്രി നരേന്ദ്ര മോദിയുടെ ഇംഗ്ലിഷ് മികച്ചതെന്നും അദ്ദേഹം വേണ്ടെന്നുവച്ചിട്ടാണ് ഇംഗ്ലീഷില്‍ സംസാരിക്കാത്തതെന്നും യു.എസ് പ്രസിഡന്‍റ് ഡൊണാള്‍ഡ് ട്രംപ്!!
ജി 7 ഉച്ചകോടിക്കിടെ മോദിയുമായി കൂടിക്കാഴ്ച നടത്തിയപ്പോഴായിരുന്നു ട്രംപിന്‍റെ തമാശയില്‍ പൊതിഞ്ഞ പരാമര്‍ശം. എന്നാല്‍ ട്രംപ് മോദിയെ ട്രോളിയതാണെന്നാണ് സോഷ്യല്‍ മീഡിയയിലെ സംസാരം!!
ട്രംപുമായുള്ള കൂടിക്കാഴ്ചയെക്കുറിച്ച്‌ മാധ്യമങ്ങളോട് സംസാരിക്കുമ്പോള്‍ ഹിന്ദിയിലാണ് മോദി സംസാരിച്ചത്. ഇതിനെക്കുറിച്ചു ചോദ്യങ്ങള്‍ ഉയര്‍ന്നപ്പോള്‍ ഇടപെട്ടുകൊണ്ടാണ്, ട്രംപ് മോദിയുടെ ഇംഗ്ലീഷിന് സര്‍ട്ടിഫിക്കറ്റ് നല്‍കിയത്.
''സത്യത്തില്‍ അദ്ദേഹത്തിന്‍റെ ഇംഗ്ലീഷ് മികച്ചതാണ്, വേണ്ടെന്നു വച്ചിട്ടാണ് അദ്ദേഹം ഇംഗ്ലീഷില്‍ സംസാരിക്കാത്തത്'' -ട്രംപ് പറഞ്ഞു.
എന്നാല്‍ ട്രംപ് ഇക്കാര്യം പറഞ്ഞതും പിന്നെ സദസ്സില്‍ കേട്ടത് ഇരു നേതാക്കളുടെയും പൊട്ടിച്ചിരിയായിരുന്നു. ട്രംപിന്‍റെ കയ്യില്‍ പിടിച്ച്‌ മോദി ചിരിച്ചുകൊണ്ട് അടിയ്ക്കുന്നതും വീഡിയോയില്‍ കാണാം. മാധ്യമപ്രവര്‍ത്തകരും ഇരു നേതാക്കള്‍ക്കുമൊപ്പം ചിരിക്കുന്നുണ്ട്.
#WATCH France: US President Donald Trump jokes with Prime Minister Narendra Modi during the bilateral meeting on the sidelines of #G7Summit. Trump says, "He (PM Modi) actually speaks very good English, he just doesn't want to talk" pic.twitter.com/ee66jWb1GQ
— ANI (@ANI) August 26, 2019
