Alert: வங்கி வாடிக்கையாளர்களுக்கு (Bank Customers) இது முக்கியமான செய்தி. ஏப்ரல் 1, 2021 முதல், இந்த எட்டு வங்கிகளின் பழைய காசோலை புத்தகம் (Old Cheque Book) இயங்காது. பழைய காசோலை புத்தகம் மற்றும் ஐ.எஃப்.எஸ்.சி குறியீடு (IFSC Code) செல்லாது. உங்கள் பழைய காசோலை புத்தகம் ஏப்ரல் 1 முதல் வேலை செய்வதை நிறுத்திவிடும். எனவே இந்த எட்டு வங்கிகளில் ஏதேனும் உங்களிடம் கணக்கு இருந்தால், உங்கள் காசோலை புத்தகத்தை சரியான நேரத்தில் மாற்றவும்.
காசோலைகள் (Cheque Book) வங்கிகளால் நிராகரிக்கப்படும், ஏனெனில் அவற்றின் கணக்கு எண் (Account Number) மாற்றப்படும். எனவே, இந்த வங்கியின் (Bank) அனைத்து காசோலைகளும் செல்லாததாகிவிடும். எனவே, இந்த வங்கிகளின் வாடிக்கையாளர்கள் உடனடியாக தங்கள் வங்கியைத் தொடர்புகொண்டு புதிய காசோலை புத்தகத்தை பெற வேண்டும்.
எந்த வங்கிகள் இணைக்கப்பட்டுள்ளன என்பதை அறிந்து கொள்ளுங்கள்
மத்திய அரசு பல வங்கிகளை ஒன்றிணைத்துள்ளது. வங்கிகளில் அதிகரித்து வரும் என்.பி.ஏ சுமையை கருத்தில் கொண்டு, அரசாங்கம் இந்த முடிவை எடுக்க வேண்டியிருந்தது. அதன் பிறகு மத்திய அரசு இந்த வங்கிகளை ஒன்றிணைத்தது. இப்போது இணைப்புக்குப் பிறகு, உங்கள் வங்கிகளில் உங்கள் கணக்கு எண், IFSC குறியீடு மற்றும் பாஸ் புக் போன்றவை மாறப்போகின்றன. இப்போது, இந்த வங்கிகளின் வாடிக்கையாளர்கள் தங்களது புதிய காசோலை புத்தகம், பாஸ் புக் மற்றும் ஐ.எஃப்.எஸ்.சி குறியீட்டை பெற்றுக்கொள்ள வேண்டும். தேனா வங்கி, விஜயா வங்கி, ஓரியண்டல் பாங்க் ஆப் காமர்ஸ், யுனைடெட் பாங்க் ஆப் இந்தியா, சிண்டிகேட் வங்கி, ஆந்திர வங்கி, கார்ப்பரேஷன் வங்கி மற்றும் அலகாபாத் வங்கி (Allahabad Bank) ஆகியவற்றின் காசோலை புத்தகங்கள் 2021 ஏப்ரல் 1 முதல் செல்லாது. இணைப்புக்குப் பிறகு, இந்த வங்கிகளின் காசோலை புத்தகங்கள் 31 மார்ச் 2021 க்குப் பிறகு செல்லாது என்று கருதப்படும்.
இணைக்கப்பட்ட வங்கிகளின் பட்டியல்
* தேனா வங்கி (Dena Bank) மற்றும் விஜய வங்கி (Vijaya Bank) ஆகியவை பேங்க் ஆப் பரோடா வங்கியுடன் (Bank of Baroda) இணைக்கப்பட்டுள்ளன.
* ஓரியண்டல் பாங்க் ஆப் காமர்ஸ் மற்றும் யுனைடெட் பாங்க் ஆப் இந்தியா ஆகியவை பஞ்சாப் நேஷனல் வங்கியுடன் (PNB) இணைக்கப்பட்டுள்ளன.
* சிண்டிகேட் வங்கி கனரா வங்கியுடன் இணைக்கப்பட்டுள்ளது.
* ஆந்திர வங்கி மற்றும் கார்ப்பரேஷன் வங்கி ஆகியவை யூனியன் பாங்க் ஆப் இந்தியாவுடன் இணைக்கப்பட்டுள்ளன.
* அலகாபாத் வங்கி இந்தியன் வங்கியுடன் (Indian Bank) இணைக்கப்பட்டுள்ளது.
இவை அனைத்தும் ஏப்ரல் 1, 2021 முதல் நடைமுறைக்கு வரும்.
அரசியல், விளையாட்டு, சுகாதாரம், வாழ்க்கை முறை, கல்வி, பொழுதுபோக்கு, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
